Հայաստանի վարչապետ Նիկոլ Փաշինյանը ներկայացրել է Ակադեմիական քաղաք ստեղծելու ծրագրերը, որտեղ կտեղափոխվեն հանրապետության բոլոր պետական բուհերը։
«Մեր բուհերը, թե ֆիզիկական ենթակառուցվածքների մակարդակով, թե կրթական գործընթացի մակարդակով, հաճախ չեն համապատասխանում միջազգային չափանիշներին, երկրում կամ չկան բուհական չափանիշներ, կամ չեն աշխատում, բարձրագույն կրթության դիպլոմ ունեցողները. հաճախ մրցունակ չեն աշխատաշուկայում»,- հինգշաբթի կառավարության նիստում ասաց Փաշինյանը։
Նա հայտարարեց, որ կառավարությունը մտադիր է գնալ բուհերի և գիտահետազոտական կենտրոնների համախմբման և ինտեգրման ճանապարհով։
«Կլինի առավելագույնը 8 պետական բուհ, պետական լրիվ ֆինանսավորմամբ այս բուհերը կհամապատասխանեցվեն պետական չափանիշներին՝ սկսած ֆիզիկական, այդ թվում՝ կրթական, գիտահետազոտական, վերապատրաստման, բնակարանային ենթակառուցվածքները, վերջացրած միջազգային կրթական ծրագրերով և որակյալ և պատշաճ վճարովող պրոֆեսորադասախողական կազմով»,- ասաց Փաշինյանը։
Նա հայտարարեց, որ Ակադեմիական քաղաքի վայրն արդեն որոշված է։ «Այն կկառուցվի Արագածոտնի մարզում՝ Աշտարակ քաղաքում, և այնտեղ կտեղափոխվեն միավորված բուհերը»,- ասաց վարչապետը։
Անցած տարվա գարնանը Փաշինյանը խոսել էր «Հայաստանի բուհերի շենքերը վաճառքի հանելու գաղափարի մասին, որպեսզի հասույթով Երևանից դուրս ակադեմիական կամպուս կառուցվի»։ Այս կապակցությամբ մամուլում և սոցիալական ցանցերում դժգոհության ալիք բարձրացավ, որոշ օգտատերեր սկսեցին հրապարակել ֆոտոշոփում տարբեր օբյեկտների (սուպերմարկետներ, հյուրանոցներ) վերածված համալսարանական շենքերի լուսանկարներ:
Այն ժամանակ ՀՀ կրթության, գիտության, մշակույթի եւ սպորտի նախարար Վահրամ Դումանյանը, պատասխանելով լրագրողների հարցերին, հերքեց երկրի բուհերի մասնաշենքերը վաճառելու իշխանությունների որոշման մասին լուրերը։
Մեկնաբանելով Փաշինյանի ռեզոնանսային հայտարարությունը, նախարարն ասաց, որ եթե Ակադեմիական քաղաքի գաղափարն իրականանա, ապա շատ բուհերի մոտ «բնական ցանկություն կառաջանա տեղափոխվել այնտեղ, և այն համալսարանական շենքերը, որտեղ այլևս նպատակահարմար չի լինի ուսուցում անցկացնել, կարող են վաճառվել».