ԵՄ-ում հաղորդել են իսլամաֆոբիայի աննախադեպ աճի մասին: Դրանում մեղադրել են քաղաքական գործիչներին, ովքեր քվեների հետևից ընկած անտեսում են «ընդհանուր արժեքները»: Այն մասին, թե ինչպես և ինչու է Եվրոպայում սրվել մահմեդականների նկատմամբ անհանդուրժողականության խնդիրը, գրում է ՌԻԱ Նովոստին։
Դարձել է սովորություն
Օրենսդրության վերանայում և պատժամիջոցների խստացում. այս մասին խոսվել է ԵԽ-ում ԱՄՆ-ի, Գերմանիայի և Թուրքիայի փորձագետների կողմից պատրաստված իսլամաֆոբիայի վերաբերյալ զեկույցի հրապարակումից հետո:
Մահմեդականների դեմ հանցագործությունների թիվն աճում է. Այսպես, 2020 թվականին Գերմանիայում գրանցվել է 901 նման դեպք, ինչը երկու տոկոսով ավելի է, քան 2019 թվականին։ Ավստրիայում պատկերը նույնն է։
Մեծ Բրիտանիայում վիճակագրությունը վատացել է հինգ տոկոսով։ Անցյալ տարվա մարտին մահմեդականների դեմ կատարված հանցագործությունները կազմել են կրոնական ատելության դրդապատճառներով կատարված դեպքերի կեսը։ Ամենավատ իրավիճակը Ֆրանսիայում է՝ 2021թ․ -ին 58 տոկոս աճ։
ԱՄՆ-ում, ըստ Ամերիկա-իսլամական հարաբերությունների խորհրդի (CAIR) զեկույցի, ոստիկանությունը 2021 թվականին գրանցել է 6720 միջադեպ, ինչը ռեկորդային ցուցանիշ է վերջին 27 տարվա ընթացքում։
«Իսլամաֆոբիան դարձել է մեյնսթրիմ: Այն ներթափանցել է կառավարական հաստատություններ և հասարակական դաշտ օրենքների, քաղաքականության միջոցով և այժմ կառուցվածքայինհանրային բնույթ ունի», - ասել է լրագրողներին CAIR-ի գործադիր տնօրեն Նիհադ Ավադը: