ՀՀ քննչական կոմիտեի Սյունիքի մարզային քննչական վարչությունում հարուցվել է քրեական գործ՝ Սյունիքի մարզում ապօրինի որս կատարելու դեպքի առթիվ, հաղորդում է ՀՀ ՔԿ մամուլի ծառայությունը:
Նախնական քննության տվյալներով՝ 2016թ. նոյեմբերի 28-ին` ժամը 14:00-ի սահմանում, առերևույթ հանցագործություն կատարած անձինք «ՍԿՍ» մոդելի հրազենով Սյունիքի մարզի Աջաբաջ գյուղի հարակից անտառում ապօրինի որսացել են եվրոպական երկու այծյամ՝ կենդանական աշխարհին պատճառելով 500.000 ՀՀ դրամի վնաս: Դեպքի առթիվ 2016թ. դեկտեմբերի 2-ին հարուցվել է քրեական գործ՝ ՀՀ քրեական օրենսգրքի 294-րդ հոդվածի 2-րդ մասի 2-րդ կետի (Ապօրինի որսը, որը կատարվել է մի խումբ անձանց կողմից` նախնական համաձայնությամբ) հատկանիշներով:
Նախաքննությունը շարունակվում է, միջոցներ են ձեռնարկվում դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ:
Քննության արդյունքների մասին կտեղեկացնենք լրացուցիչ։
Հիշեցնեք, որ ավելի լավ հայտնել էինք, որ Որսագողերն այծյամ են ապօրինի որսացել «Դիլիջան» ազգային պարկում: