Բավ է պառակտվել
05-03-2021 13:31

«Ես այս պատերազմին տվել եմ ինչ որ կարող էի, ձեռք եմ բերել հպարտություն»․ մարտի 5-ը Վազգեն Սարգսյանի ծննդյան օրն է

Մարտի 5-ը պետական և ռազմական գործիչ, Հայաստանի ազգային հերոս, Արցախի հերոս, սպարապետ (stratilata - Հայոց բանակի գերագույն գլխավոր հրամանատար) Վազգեն Սարգսյանի ծննդյան օրն է: Այսօր նա կդառնար 62 տարեկան:

Այսօր, Հայաստանի ազգային հերոս, Արցախի հերոս, ՀՀ պաշտպանության առաջին նախարար Վազգեն Սարգսյանի ծննդյան օրը, Եռաբլուր պանթեոնում Վազգեն Սարգսյանի շիրիմին և նրա հիշատակը հավերժացնող հուշարձանին ծաղիկներ դրվեցին Հանրապետության նախագահ Արմեն Սարգսյանի անունից:

Իր հերթին, Արցախի հերոս, Արցախի ու Հայաստանի պաշտպանության նախկին նախարար, ՀՀ զինված ուժերի գեներալ-գնդապետ Սեյրան Օհանյանը գրել է.

«Այսօր Վազգեն Սարգսյանի ծննդյան օրն է

Եվ երբ բարձրանանք Եռաբլուր՝ խոնարհվելու, խնկարկելու Սպարապետի անվան, սխրանքի առաջ, հիշելու ենք նրա անցած հերոսական ուղին, նրա հզոր, անկեղծ կերպարը, ․․․և անհնար է չհիշենք նրա լքված արձանը Շուշիում։

Նայելու ենք մեր շուրջը՝ մեր որդիների անթիվ, անհամար, թարմ շիրիմներին, և «ինչու»-ների պատասխանը դեռևս չամրագրած՝ այն վստահ համոզմունքն ենք ունենալու, որ եթե այսօր նա լիներ մեզ հետ․․․, իրադարձությունները կընթանային այլ հունով։
Սակայն այսօր մենք բախվել ենք այլ իրականության:

Եվ մեր պա՛րտքն է շարունակել պայքարը հանուն հայի, Հայաստանի ու Արցախի լինելիության՝ հավերժ վառ պահելով Վազգեն Սարգսյանի, այս լուսանկարից մեզ նայող մեր լուսահոգի ընկերների, հանուն Հայրենիքի իրենց կյանքը նվիրաբերած բոլոր քաջ հայորդիների հիշատակը»։

Ուղիղ նայելով հանձնաժողովականների աչքերին` ասելու եմ այն, ինչ գիտեմ ու նաև այն, ինչ մտածում եմ․Սերժ Սարգսյան
Սարգսյանը Վրաստանի նախագահի հետ հանդիպմանն ընդգծել է պատերազմից հետո ստեղծված իրավիճակի մասին
Վազգեն Մանուկյանի հարցազրույցը РБК-ին. «ռևանշի մասին մտածելն անիմաստ է»
Ապրիլյան քառօրյա պատերազմի քրոնիկոնը (Տեսանյութ)
Վլադիմիր Պուտինը շնորհավորական նամակ է հղել Ռոբերտ Քոչարյանին