«Հարավկովկասյան երկաթուղի» ընկերության Երևան-Բաթումի-Երևան երթուղու միջազգային գնացքը հունիսի 24-ին մեկնել է այս տարվա առաջին ուղևորության համար, հայտնում է Հարավկովկասյան երկաթուղու մամուլի ծառայությունը։
Ընկերության տվյալներով՝ այսօրվա դրությամբ արդեն վաճառվել է մոտ 1500 տոմս։ Այս տարի գնացքը կաշխատի երկու օրը մեկ։ Նշվում է, որ ուղևորներին առաջարկվում է չորս տեսակի ծառայություններ՝ ամրագրված նստատեղ, կուպե, շքեղ կուպե և SV: Երեւանից դեպի Սեւ ծովի հանգստավայրեր տոմսերի արժեքը սկսվում է 13 հազար դրամից (ավելի քան $33)։
«ՀԿԵ» ընկերությունը և մասնագետների միջազգային թիմն արել են հնարավոր ամեն ինչ՝ Հայաստանի հյուսիսում մայիսյան հեղեղումների հետևանքով ավերված երկաթուղու հատվածներն արագ վերականգնելու համար։ Սա հնարավորություն տվեց չհիասթափեցնել գնացքով հանգստի մեկնել սիրողների սպասելիքները և հունիսի 24-ից սկսել միջազգային գնացքների ամառային չվացուցակը»,- ասվում է հաղորդագրության մեջ։
Դեբեդ գետի վարարման հետեւանքով Հայաստանի հյուսիսային շրջաններում ջրհեղեղի պատճառով Հայաստանի և Վրաստանի միջև երկաթուղային հաղորդակցությունն ընդհատվել է։ Մի շարք բնակավայրեր հայտնվել են հեղեղումների գոտում, խաթարվել է նրանց հետ երկաթուղային ու ճանապարհային հաղորդակցությունը։ Կառավարությունը մայիսի 28-ին ջրհեղեղից տուժած Լոռու և Տավուշի մարզերի ինը համայնքներ, որոնք ներառում են 39 քաղաքներ և գյուղեր, հայտարարեց աղետի գոտի։ Մայիսի 31-ին «Ռուսական երկաթուղիներ» ընկերությունը սկսել է ջրհեղեղից հետո վերականգնել Հայաստանի երկաթուղիները։ Հայաստանում աղետի գոտում երկաթուղու շահագործումը վերականգնվել է հունիսի 14-ին։ ՀԿԵ ընկերությունը և միջազգային մասնագետների թիմն արել են հնարավոր ամեն ինչ՝ Հայաստանի հյուսիսում մայիսյան ջրհեղեղների հետևանքով ավերված երկաթուղու հատվածներն արագ վերականգնելու համար։ Սա հնարավորություն տվեց չհիասթափեցնել գնացքով հանգստի մեկնել սիրողների սպասելիքները և սկսել միջազգային գնացքների ամառային չվացուցակը արդեն հունիսի 24-ից։
