Բավ է պառակտվել
31-08-2016 10:13

Հայաստանում ձերբակալված ՌԴ քաղաքացին մեկնել է Մոսկվա

ՌԴ քաղաքացի Սերգեյ Միրոնովը, ում Հայաստանի դատարանը հրաժարվեց կալանավորել ԱՄՆ–ի պահանջով, Եևանից մեկնել է Մոսկվա: Այս մասին տեղեկացրել է Միրոնովի փաստաբան Կարեն Ներսիսյանը։

«Իմ պաշտպանյալը Երևանից մեկնել է Մոսկվա», – նշել է նա։

Նախօրեին հայտնի դարձավ, որ Միրոնովը անարգել կարող է հեռանալ Հայաստանից։

«Դատարանը հրաժարվել է կալանավորել Միրոնովին, նա ազատ է և կարող է մեկնել Հայաստանից», – նշել է փաստաբանը։

Հայաստանի ոստիկանության տվյալներով, օգոստոսի 26-ին ժամը 16.30-ին ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողների կողմից «Զվարթնոց» օդանավակայանում հայտնաբերվել և ՔՀԳՎ բերման է ենթարկվել ՌԴ քաղաքացի, 1986 թ. ծնված Սերգեյ Միրոնովը, որը 2016 թ. մայիսի 11-ից միջազգային մակարդակով հետախուզվում է ԱՄՆ իրավապահ մարմինների կողմից։ Սերգեյ Միրոնովին կասկածում էին «Գենեզիս» ընկերության միջոցով զենքի առևտրի մեջ։ Հիշեցնենք, որ նա այդ ընկերությունում աշխատում է որպես ծրագրավորող և ցանցային ադմինիստրատոր։

Փաստաբանի խոսքով` Միրոնովը հասարակ ծրագրավորող է, և նրան հասանելի չեն գաղտնի տեխնոլոգիաները։

Երկուշաբթի Երևանի Կենտրոն և Նորք–Մարաշ վարչական շրջանների առաջին ատյանի դատարանը մերժեց Միրոնովի կալանքի մասին դատախազության միջնորդությունն ու ազատ արձակեց նրան։