Բա՛վ է պառակտվել
17-07-2019 22:27

Ազատազրկվածները չունեն խմելու ջրի հասանելություն, իսկ ՔԿՀ կա, որտեղ բժիշկ չկա» ՄԻՊ

Մարդու իրավունքների պաշտպանի գրասենյակը որոշակի արձանագրումներ է արել, որոնք առնչվում են փակ հաստատություններում մարդու իրավունքների ոտնահարմանը. Այսօր հրավիրված մամուլի ասուլիսին կարևորագույն խնդիրների մասին է բարձրաձայնել ՀՀ Մարդու իրավունքների պաշտպան Արման Թաթյանը:
«Դատարանների խցերում լուսավորության խնդիր կա. ազատությունից զրկված մարդիկ չունեն խմելու ջրի հասանելիություն, որովհետև օրինակ ոչ պատշաճ պայմաններում են կամ ծորակները կոտրված են»,- ասում է ՄԻՊ Արման Թաթոյանը:
Անդրադառնալով քրեակատարողական հիմնարկներում տիրող իրավիճակին՝ Մարդու իրավունքների պաշտպան Արման Թաթոյանը նկատում է, որ այստեղ կան համակարգային բնույթ կրող խնդիրներ. Որպես հրատապ լուծում պահանջող խնդիր՝ առանձնացնում է բժշկական ծառայությունների կամ առողջության պահպանման իրավունքին վերաբերող հարցը:
«Մենք խնդիր ունենք բժշկական հաստատւթյունների ինստիտուտցիոնսլ անկախության հետ կապված. ազատությունից զրկված մարդիկ չեն վստահում բժիշկներին, սյսինքն կա ցածր վստահելիություն, ինչը հետևանք է այն իրողության, որ տարիներ շարունակ առկա համակարգը այնպես է կառուցված եղել, որ քրեակատարողական հիմնարկի բժիշկը ընկալվել է՝ իբրև ուսադիր կրող մարդ»:
Թաթոյանը խնդիր է տեսնում նաև քրեակատարողական հիմնարկների ծառայողների և բժիշկների հարաբերություններում՝ կապված բժիշկների անկախության հետ, բացի այդ պաշտպանը նկատում է, որ այսօր քրակատարողական հիմնակներում կա կոնկկրետ մասնագիտություններով մասնագիտացված բժիշկների պակաս:
«Մենք ունենք քրեակատարողական հիմնարկ, որտեղ առհասարակ չկա բժիշկ, չի գործում բժիշկների վերապատրաստման պատշաճ համակարգ, սոցիալական ցածր երաշխիքների, ցածր աշխատավարձերի պատճառով հնարավոր չի լինում համակարգ ներգրավել որակյալ մասնագետների»:
Բազմաթիվ խնդիրների կողքին դրվեցին նախնական և ընթացիկ հետազոտությունների, ստացիոնար բուժման, ինչպես նաև պատշաճ սննդի, վերասոցիալականացման հետ կապված խնդիրներ: Թաթոյսնը շեշտեց նաև, որ չեն տարվում պատշաճ սոցիալ- հոգեբանական աշխատանքներ:
ՄԻՊ-ը, բարձրացնելով քրեակատարողական հիմնարկներում մարդու իրավունքներին առնչվող խնդիրները, այնուամենայնիվ դրական երանգով հիշեց, որ միայն վերջերս իրականացվեց ՔՀ-ում զգալիորեն լուծվել է գերբնակեցման հարցը, չնայած, որ դա եղել է արհեստական բեռնաթափման հաշվին:
Ասուլիսի ընթացքում Մարդու իրավունքների պաշտպան Արման Թաթոյանը չշրջանցեց նաև քրեակատարողական հիմնարերում մահվան դեպքերի թեման և նկատեց, որ այս թեման մշտապես ՄԻՊ-ի ուշադրության կենտրոնում է, սակայն խնդրի լուծումը նորից համակարգային մոտեցման դեպքում է տեսնում.
«Չկա մահվան դեպքերի կանխարգելման ռազմավարություն կամ համապարփակ ծրագիր: Գրեթե ամեն ինչ հիմնված է անհատական դեպքերի վրա, չի իրականացվում համալիր մոտեցում, արդյունքների ամփոփում, ոպեսսզի վեր հանվեն պատճառները, նպաստող հանգամանքները»,-նշում է ՄԻՊ Արման Թաթոյանը:
«Փակ հաստատություններին, քրեակատարողական հիմնարկներին ես մոտենում եմ համապարփակ տեսանկյունից, որովհետև եթե մենք չապահովենք փակ հաստատություններում աշխատող մարդկանց բավարար սոցիալական երաշխիքները, աշխատանքային պատշաճ պայմանները անիմաստ է խոսել անազատության մեջ գտնվող մարդկանց իրավունքներից, ուստի մենք ակտիվ աշխատում ենք, որպեսզի բարձրացվի քրեակատարողական հիմնարկների, ոստիկանության աշխատակիցների սոցիալական կարգավիճակը և այն բոլոր պատճառները, որոնք կնպաստի աշխատանքի որակի բարձրացմանը»:
ՄԻՊ Արման Թաթոյանի խոսքով ազատությունից զրկված անձը, նրանց հարազատներն ու ազգականները չեն տիրապետում իրենց իրավունքներին և պրակտիկան ցույց է տալիս, որ հարցազրույցների, տպագիր նյութերի միջոցով իրազեկումը բավարար չէ. ահա այս նկատառումից ելնելով՝ ՄԻՊ-ի նախաձեռնությամբ մշակվել է «Ազատազրկվածի իրավախորհրդատու» ավտոմատացված համակարգը Facebook սոցիալական ցանցի Messenger հավելվածում, դա էլեկտրոնային զրուցակից կամ այլ կերպ ասած «չաթ-բոտ» համակարգն է, որի միջոցով հնարավոր կլինի ստանալ հարցերի պատասխաններ:


Արմինե Գևորգյան

Վլադիմիր Գասպարյանին մեղադրանք է առաջադրվել
Քոչարյանը կմնա կալանքի տակ (Լուսանկարներ, տեսանյութ)
Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան
Կարևորը,որ նախագահը ազատության մեջ լինի.Սեյրան Օհանյան (Լուսանկարներ, տեսանյութ)
Հայաստանի պարտապան զինծառայողներն արտոնություններ կստանան