Հայաստանի ներքին գործերի փոխնախարար Արփինե Սարգսյանը լրագրողների հետ ճեպազրույցում ասաց, որ հունիսի 1-ից ուժի մեջ մտած օրենքը, ըստ որի մեքենաների առջևի կողային ապակիների լուսաթափանցելիությունը պետք է կազմի առնվազն 70 %, վերաբերում է ոչ միայն այն մեքենաներին, որոնց ապակիները քաղաքացիներն են թաղանթապատել, այլ նաև նաև գործարանային մգեցված ապակիներ ունեցող մեքենաներին։
Նրա խոսքով՝ քաղաքացիներն իրենք իրենց միջոցներով պետք է մեքենաները համապատասխանեցնեն սահմանված պահանջներին, որպեսզի տուգանք չվճարեն։
Լրագրողները նշեցին, որ շատ ծառայողական մեքենաներ, հատկապես՝ ՆԳՆ հաշվեկշռում գտնվողները, մգեցված ապակիներ ունեն, ինչին փոխնախարարը պատասխանեց, որ օրենքը բացառություններ չի նախատեսում, և բոլորը պետք է ենթարկվեն նշված պահանջներին։
Հունիսի 1-ից Հայաստանում ուժի մեջ են մտել ավտոմեքենաների կողային ապակիների մգեցման աստիճանի սահմանափակումները։ Նոր պահանջների համաձայն՝ կողային ապակիների լուսաթափանցելիությունը պետք է լինի առնվազն 70%։ Ոստիկանությունը ստուգումն իրականացնելու հատուկ սարքերի օգնությամբ։ Օրինախախտներին սպառնում է 25 հազար դրամ (գրեթե 65 դոլար) տուգանք։
