Հայաստանի կառավարությունը հինգշաբթի նիստում որոշեց, որ դրոշը մաքուր, ամբողջական և չգունաթափված լինելու պահանջը դառնում է համընդհանուր՝ անկախ նրանից, դրոշը բարձրացված է պետական հաստատության վրա, թե այլուր։
Դրոշի ոչ պատշաճ վիճակի համար ֆիզիկական և իրավաբանական անձանց համար նախատեսված է տուգանք 30-50 հազար դրամի չափով, իսկ պաշտոնատար անձանց համար՝ 70-100 հազար դրամի չափով։
Վարչապետ Նիկոլ Փաշինյանն առաջարկել է Աշխատանքային օրենսգրքում փոփոխություն մտցնել, ըստ որի՝ կրկնակի խախտումը կարող է հիմք դառնալ այն պաշտոնյային աշխատանքից ազատելու համար, ում պատճառով խախտվել են դրոշին ներկայացվող պահանջները։