Երևանցիներին մտահոգում է աղբահանությունը, տրանսպորտը, բնապահպանական խնդիրները․ հարցում

Երևանցիների 33,4 %-ին խիստ անհանգստացնում է մայրաքաղաքի աղբահանության հարցը․ հարցումն իրականացրել է «Գելափ ինթերնեյշնլ ասոցացիան»։
Ասոցացիայի՝ Հայաստանում լիիրավ անդամ «Էմ Փի Ջի» ՍՊԸ տնօրեն Արամ Նավասարդյանը լրագրողների հետ զրույցում նշեց, որ երևանցիներին մտահոգող երկրորդ խնդիրը տրանսպորտն է՝ 29%, բնապահպանական խնդիրները նշել են հարցվածների գրեթե 7%-ը, իսկ ճանապարհների վատ վիճակն ու խցանումները` 10,5%-ը:
Հուլիսի 27-ից օգոստոսի 5-ը Երևանում անցկացված հեռախոսային հարցմանը մասնակցել է 809 հարցվող։