Բավ է պառակտվել
06-11-2019 12:07

Մարզերի բնակիչները շարունակում են Ռուսաստանը համարել որպես Հայաստանի հիմնական գործընկեր

«Ժողովրդի ձայնը» հասարակական ակումբը 2019թ-ի սեպտեմբերի 25-ից մինչև հոկտեմբերի 15-ը հարցում է իրականացրել Արարատի և Արմավիրի մարզերում՝ պարզելու մարզի բնակիչների նախընտրությունները ներքին և արտաքին քաղաքականության վերաբերյալ, որոնք են տվյալ մարզերի հրատապ խնդիրները և այլն: 
Ամենասուր խնդիրների շարքում առաջնայինը շարունակում է մնալ սոցիալ-տնտեսականը: Մասնավորապես՝ ցածր աշխատավարձերն ու թոշակները, առաջին անհրաշեժտության մթերքների բարձր գները, նվազագույն աշխատավարձից բարձր վարձատրվող աշխատատեղերի բացակայությունը, բանկերի բարձր տոսկոսադրույքները, ոչ բարենպաստ հարկային քաղաքականությունը և այլն «Ժողովրդի ձայնը» հասարակական ակումբի փորձագետ Արման Ղուկասյանը նշում է,որ Հայաստանում իշխանափոխությունից հետո անցել է 1.5 տարի: Բայց նախորդ իշխանության ժամանակ առկա բազում հրատապ խնդիրները , որոնք դարձել են իշխանափոխության պատճառ, դեռ մնում են չլուծված:

Այսպիսով Արմավիրի և Արարատի բնակիչները նշել են, որ իրենց մարզի ամենահրատապ խնդիրներից են բանկային վարկերի բարձր տոկոսադրույքները (84%), ջրամատակարարումը (77%), աշխատատեղերի բացակայությունը (72%), դպրոցների և հիվանդանոցնրի վատ վիճակը (63%), ճանապարհային ենթակառուցվածքների բացակայությունը (47%), մթերքի և վառելիքի գնաճը (32%), տեղի պաշտոնյաների կաշառակերությունը (17%) և այլ խնդիրներ (9%):Հարցին ինչպես են գնահատում Նիկոլ Փաշինյանի կառավարության աշխատանքը՝ 32%-ը դրական է գնահատել, 40%-ը՝ բավարար, 23%-ը բացասական, իսկ նրանցից 5%-ը դժվարացել է պատասխանել հարցին:
Եթե այս կիրակի տեղի ունենային խորհրդարանական ընտրություններ, ապա մարզի հարցվողների 43%-ը կընտրեր «Իմ քայլը» դաշինքին, 14%-ը ՝ «Բարգավաճ Հայաստան» կուսակցությանը, 6%-ը ՝ «Լուսավոր Հայաստան» կուսակցությանը, 27%-ն իր ձայնը կտար այլ քաղաքական ուժի, 7%-ը վերջին պահին կկայացներ որոշում, իսկ 3%-ը ընտրությունների չէր գնա:
Արման Ղուկասյանն ասում է,որ հետհեղափոխական էյֆորիան, որը բնորոշ էր Հայաստանի քաղաքացիներին, արդեն անցել է: Նիկոլ Փաշինյանի կառավարությունը դեռ վայելում է քաղաքացիների վստահությունը, սակայն այժմ հասարակությունը հակված է սպասելու կառավարության իրական գործուղություններին ՝ ոչ թե լոզունգներին: Արտաքին քաղաքականության վերաբերյալ հարցին պատասխանել են ,որ իշխանության գործողություններն այս ուղղությամբ համակարգված չեն և իրարամերժ են: 
Արման Ղուկասյանը սակայն նշում է,որ մարզերի բնակիչները շարունակում են Ռուսաստանը համարել որպես Հայաստանի հիմնական գործընկեր:
«Այդ իսկ պատճառով կառավարության գործունեությունն իրենք գնահատելու են այնպես, թե ինչքանով ներկայիս իշխանությունները կկարողանան պահպանել և խորացնել Հայաստանի հարաբերությունները Ռուսաստանի հետ»,- հավելեց Արման Ղուկասյանը:

 

Արմինե Գևորգյան

Հայաստանի ու Ռուսաստանի միջև լուրջ ճգնաժամ չկա՞
Խորհրդարանի գործունեությունը համահունչ չէ «նոր Հայաստանի» ոգուն
Հայաստանն ու Ռուսաստանը կբացեն իրենց սահմանները երկու երկրների քաղաքացիների համար. Գրիգորյան
Բրիտանացի նախարարը Հայաստանն անվանել է Մեծ Բրիտանիայի կարևոր գործընկեր
Ռուսաստանի մարզերում մոլեգնում են անտառային հրդեհները․ ընդհանուր մակերեսը գերազանցում է 900հազ․ հեկտարը