Հունահռոմեական ոճի հայ ըմբշամարտիկ Արմեն Մելիքյանը դարձել է նախօրեին Հունգարիայի մայրաքաղաքում ավարտված մինչև 23 տարեկաննների աշխարհի առաջնության հաղթող։
Ինչպես տեղեկացրել է Հայաստանի Ազգային օլիմպիական կոմիտեն, մինչև 60կգ քաշային կարգում եզրափակիչ մենամարտում նա 11։7 հաշվով հաղթել է Ժոլաման Շարշենբեկովին Ղրղզստանից։
Այսպիսով, այս քաշային կարգում “արծաթը” բաժին է հասել Շարշենբեկովին, իսկ երրորդ տեղը կիսել են ռուսաստանցի Արթուր Պետրոսյանը և Սեյֆոլա Մոխսեն Նեջաթը Իրանից։
Մինչև 23 տարեկան (U-23 տարեկան) կարգում ազատ ոճի, հունահռոմեական և կանանց ըմբշամարտի աշխարհի առաջնությունն անցել է Բուդապեշտում (Հունգարիա) հոկտեմբերի 28-ից նոյեմբերի 3-ը: