Հայ մարմնամարզիկ, աշխարհի գործող չեմպիոն, Եվրոպայի առաջնության կրկնակի մրցանակակիր Արթուր Դավթյանը դուրս է եկել Գերմանիայի Կոտբուս քաղաքում անցկացվող աշխարհի գավաթի եզրափակիչ։
Նախօրեին որակավորման փուլում նա հենացատկում 14.949 միավոով զբաղեցրեց առաջին տեղը, հայտնում է Հայաստանի սպորտի նախարարությունը։
Ավելի վաղ եզրափակչի ուղեգիր էին նվաճել նաև Գագիկ Խաչատրյանը (նժույգթափեր վարժություն), Արթուր Ավետիսյանն ու Վահագն Դավթյանը (երկուսն էլ օղակների վրա վարժությունում)։
Կոտբուսում անցկացվող աշխարհի գավաթի խաղարկությունը վարկանիշային է աշնանը Բելգիայում անցկացվելիք աշխարհի առաջնության համար, որի ընթացքում կխաղարկվեն Փարիզի Օլիմպիական խաղերի ուղեգրեր։
