Հայ մարզիկ Արսեն Խանջյանը նվաճել է Սերբիայում անցկացվող սամբոյի Եվրոպայի առաջնության չեմպիոնի կոչումը։
98 կգ քաշային կարգում հանդես եկող Խանջյանը չեմպիոնի կոչման ճանապարհին հաղթել է Իսրայելի, Ադրբեջանի, Բելառուսի ներկայացուցիչներին, ինչպես նաև ռուս Վյաչեսլավ Միխայլինին։
Խանջյան-Միխայլին եզրափակիչ մենամարտն ամենադրամատիկն էր, սակայն հայ մարզիկին հաջողվեց առավելության հասնել մրցակցի նկատմամբ։ Նախօրեին Հայաստանի հավաքականին մեդալներ բերեցին ևս երկու մարզիկ՝ 64 կգ քաշային Մաքսիմ Մանուկյանը կարողացավ բրոնզե մեդալ նվաճել մարզական սամբոյի մրցումներում, իսկ Համլետ Սուքիասյանը (58 կգ) արծաթե մեդալ նվաճեց մարտական սամբոյի Եվրոպայի առաջնությունում։
Սամբոյի Եվրոպայի առաջնությունն անցկացվում է Սերբիայի Նովի Սադ քաղաքում։ Մրցումային երրորդ օրվա արդյունքներով Հայաստանի հավաքականը մրցաշարային աղյուսակի երկրորդ տեղում է․ հայ մարզիկները նվաճել են 4 ոսկե, 3 արծաթե և 6 բրոնզե մեդալ։