Բավ է պառակտվել
08-08-2016 11:42

Երեք տուրից հետո Արոնյանը Sinquefield Cup-ի առաջատարն է

Sinquefield Cup-ում Արոնյանը պաշտպանում է անցյալ տարի այս նույն մրցաշարում նվաճած հաղթողի տիտղոսը:

Sinquefield Cup շախմատի գերմրցաշարի երրորդ տուրում գրոսմայստեր Լևոն Արոնյանը ոչ-ոքի արդյունք է գրանցել ամերիկացի Ուեսլի Սոի հետ խաղում։

Արոնյանը Սոի հետ մրցել է սև խաղաքարերով և 29-րդ րոպեին համաձայնել ոչ-ոքի արդյունքի:

Երեք տուրից հետո Լևոն Արոնյանը 2 միավորով գլխավորում է մրցաշարային աղյուսակը: 2-ական միավոր ունեն նաև Ուեսլի Սոն, Վիշվանաթան Անանդն ու Վեսելին Տոպալովը:

Ոչ-ոքի են ավարտվել նաև հնդիկ Վիշվանաթան Անանդ — ամերիկացի Հիկարու Նակամուրա, բուլղարացի Վեսելին Տոպալով — ֆրանսիացի Մաքսիմ Վաշիե-Լագրավ, հոլանդացի Անիշ Գիրի — չինացի Դին Լիրեն պարտիաները:

Շարունակվում է առաջին երկու տուրերում պարտություն կրած ռուսաստանցի Պյոտր Սվիդլերի և մեկ միավոր ունեցող ամերիկացի Ֆաբիանո Կարուանայի պարտիան:

Արոնյանը պաշտպանում է անցյալ տարի այս նույն մրցաշարում նվաճած հաղթողի տիտղոսը: Առաջին տուրում հայ գրոսմայստերը սևերով ոչ-ոքի էր խաղացել չինացի Դին Լիրենի հետ, երկրորդ տուրում սպիտակներով հաղթել էր Պյոտր Սվիդլերին: