Հռոմում ընթացող հունահռոմեական ըմբշամարտի Եվրոպայի առաջնությունում օլիմպիական չեմպիոն, աշխարհի և Եվրոպայի առաջնությունների բազմակի հաղթող Արթուր Ալեքսանյանը հինգերորդ անգամ հռչակվեց Եվրոպայի չեմպիոն:
Նա ջախջախիչ հաղթանակ տարավ ազգությամբ վրացի մարզիկ Նիկոլոզ Կախելաշվիլիի նկատմամբ՝ 7: 1 հաշվով:
Չորեքշաբթի օրը Հռոմում ավարտված Եվրոպայի առաջնությունում Հայաստանը նվաճել է 4 մեդալ՝ երկու ոսկե և երկու բրոնզ: Գևորգ Ղարիբյանը և Արթուր Ալեքսանյանը դարձան Եվրոպայի չեմպիոններ, իսկ Կարեն Ասլանյանը և Կարապետ Չալյանը նվաճեցին բրոնզե մեդալներ։