Օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը հաղթանակով սկսեց Հռոմում ընթացող ըմբշամարտի Եվրոպայի առաջնությունը:
Հունահռոմեական ոճի 97 կգ քաշային կարգի 1/8 եզրափակչում Արթուր Ալեքսանյանը 7:1 հաշվով առավելության հասավ թուրք Չենկ Իլդեմի նկատմամբ:
Քառորդ եզրափակչում Ալեքսանյանի մրցակիցը կլինի բուլղարացի Կիրիլ Միլովը:
Նշենք, որ ըմբշամարտի Եվրոպայի առաջնությունը ընթանում է Հռոմում փետրվարի 10-16–ը։
19:19
Հռոմում ընթացող Եվրոպայի առաջնությունում առաջ է սլանում 97 կգ քաշային օլիմպիական չեմպիոն Արթուր Ալեքսանյանը:
Քառորդ եզրափակչում Ալեքսանյանը 2 րոպեում, 9-0 հաշվով հաղթեց բուլղարացի Կիրիլ Միլենով Միլովին, որը 2018 թ-ի ԱԱ փոխչեմպիոնն է: Արթուրը դուրս եկավ կիսաեզրափակիչ, որտեղ կհանդիպի ֆին Մատի Կուոսմանենի հետ:
Կուոսմանենը 2018 և 2019 թթ-ի Եվրոպայի առաջնությունների բրոնզե մեդալակիր է:
Հիշեցնենք, որ 1/8 եզրափակչում Ալեքսանյանը 7:1 հաշվով առավելության է հասել թուրք Ջենք Իլդեմի նկատմամբ: