Տոկիոյի Օլիմպիական խաղերի բրոնզե մեդալակիր Արթուր Դավթյանը ոսկե մեդալ նվաճեց Լիվերպուլում ընթացող սպորտային մարմնամարզության աշխարհի առաջնությունում։ Այս մասին հայտնում է European Gymnastics-ը։
Հենացատկում նրա արդյունքը լավագույնն էր՝ 15.050 միավոր։
Հայաստանի մեկ այլ մարմնամարզիկ Հարություն Մերդինյանը նժույգ թափեր վարժությունում նվաճեց բրոնզե մեդալ։ Աշխարհի առաջնությունն ընթանում է հոկտեմբերի 31-ից նոյեմբերի 6-ը Լիվերպուլում:
