Օգոստոսի 10-ին Լիոնել Մեսսիի տեղափոխությունը ՊՍԺ արդեն լուծված հարց դարձավ: Արգենտինացին ժամանել է Փարիզ և հասցրել ողջունել իր ապագա երկրպագուներին:
Հարձակվող Լիոնել Մեսսին կիսվել է «Պարի Սեն Ժերմեն» տեղափոխվելուց իր զգացմունքներով:
«Անհամբերությամբ սպասում եմ ՊՍԺ -ում կարիերայիս նոր գլուխ սկսելուն: Ակումբը և դրա ֆուտբոլի տեսլականը լիովին համապատասխանում են իմ հավակնություններին: Ես գիտեմ, թե որքան տաղանդավոր են ՊՍԺ -ի ֆուտբոլիստներն ու անձնակազմը: Ես վճռական եմ նրանց հետ հրաշալի մի բան կառուցելու ակումբի և երկրպագուների համար: Անհամբերությամբ սպասում եմ այն պահին, երբ ոտք կդնեմ «Պարկ դե Պրենս» մարզադաշտի խաղադաշտ», - Մեսսիի խոսքերն է մեջբերում ՊՍԺ-ի մամլո ծառայությունը:
Օգոստոսի 10-ին, Մեսսին երկամյա պայմանագիր ստորագրեց ՊՍԺ-ի հետ: Այն ունի ևս մեկ տարով երկարաձգելու հնարավորություն: Օգոստոսի 11-ին արգենտինացի հարձակվողը մամլո ասուլիս կտա «Պարկ դե Պրենս» մարզադաշտում: