Ներկայացնում ենք 2016թ. Եվրոպայի առաջնության հանդիպումները, որոնք տեղի կունենան այսօր` հունիսի 16-ին:
Անգլիա – Ուելս
Հունիսի 16. Լանս. «Ֆելիքս Բոլլար» մարզադաշտ. 16.00.
Դատավորներ. Բրիխ, Բորշ, Լուպպ, Դանկերտ, Ֆրից (բոլորը - Գերմանիա):
Թիմերի կազմերը
Ուելսեցիները երբեք չեն հաղթել անգլիացիներին Եվրոպական առաջնությունների կամ աշխարհի առաջնությունների ժամանակ, սակայն այս անգամ, Բեյլը և ընկերները վճռական են տրամադրված հաղթելու բրիտանացիներին:Ուելսի ֆուտբոլի ասոցիացիան հավաքականի խաղացողներին արդեն £ 3 մլն մրցանակային գումար է խոստացել:
Մինչդեռ, անգլիացիները խմբում երկրորդ խաղի ժամանակ մտադրություն ունեն վերականգնել իրենց Ռուսաստանի դեմ խաղում կորցրած միավորները:
Կանխատեսումներ
Նիկիտա Վիսոցկի, դերասան, ռեժիսոր, սցենարիստ.
2: 0, ես չեմ կասկածում անգլիացիների հաղթանակի մեջ, որոնց կարգը, իմ կարծիքով, ավելի բարձր է, քան մրցակիցներինը:
Դմիտրի Պարֆենով` «Տոսնո»-ի գլխավոր մարզիչ.
2: 1 Անգլիացիներին ամենայն հավանականությամբ հուսահատեցրել է մեր թիմի հետ ոչ-ոքի արդյունքը: Ինչպես հաև նրանք հաստատ կփորձեն հաղթել Բրիտանական հարևաններին: Դա սկզբունքի հարց է:
C խումբ. Խաղ № 17
Ուկրաինա - Հյուսիսային Իռլանդիա
16 Հունիս, Լիոն. «Ստադ դե Լյումյեր» մարզադաշտ. 19.00
Դատավորներ. Կրալովեց, Արդելենաու, Պատակ, Մոկրուշ (բոլորը - Չեխիա), Սլիշկո (Սլովակիա)
Թիմերի կազմերը
Ուկրաինայի և Հյուսիսային Իռլանդիայի մենամարտն ամենայն հավանականությամբ, կսկսվի մեկ րոպե լռությամբ: Հունիսի 13-ին դժբախտ պատահարի արդյունքում մահացել էր «սպիտակ-կանաչների» երկրպագուներից մեկը:
Կանխատեսումներ
Նիկիտա Վիսոցկի, դերասան, ռեժիսոր, սցենարիստ`
1: 1 Միխայիլ Ֆոմենկոյի թիմը Գերմանիայի հետ հանդիպմանն արժանապատիվ հադես եկավ: Սակայն Հյուսիսային Իռլանդիան էլ ֆուտբոլային համառների կատեգորիայից է:
Դմիտրի Պարֆենով` «Տոսնո»-ի գլխավոր մարզիչ.
1: 0 Ֆոմենկոն իր թիմում լավ խաղացողների է հավաքել, ում բախտը գերմանացիների հետ հանդիպման ժամանակ պարզապես չբերեց:
C խումբ. Խաղ № 18
Գերմանիա- Լեհաստան
Հունիսի 16. Սան-Դենի. «Ստադ դե Ֆրանս» մարզադաշտ. 22.00
Դատավորներ` Կայպերս, Վան Ռուկել, Զեյնստրա, Վան Բուկել, Լիսֆելդ (բոլորը - Հոլանդիա)
Թիմերի կազմերը
Գերմանիայի հետ խաղի նախօրեին, լեհերը կորուստ ունեն, ինչը կարող է աղետալի լինել: Ազդրի վնասվածքի պատճառով խաղադաշտ դուրս չի գա դարպասապահ Վոյցեխ Շենսին:
Իսկ ահա գերմանացիները կորուստներ չունեն, միայն ձեռքբերումներ` Մատս Խումմելսը լիովին ապաքինվել է վնասվածքից հետո և պատրաստ է խաղալ լեհերի դեմ: Առանցքային պաշտպանի վերադարձն ակնհայտորեն հեշտացրել է Իոահիմ Լևի կյանքը:
Կանխատեսումներ
Նիկիտա Վիսոցկի, դերասան, ռեժիսոր, սցենարիստ`
2: 1 Գերմանացիների հեղինակությունն ու հզորությունը չեն քննարկվում: Սակայն, լեհերը նույնպես ամուր բնավորության տեր տղաներ են:
Դմիտրի Պարֆենով` «Տոսնո»-ի գլխավոր մարզիչ.
2: 0 Գերմանացիները կհարթեն իրենց հաղթական ճանապարհը: Նրանք հաստատ ավելի ուժեղ են: Նույնիսկ Լևանդովսկու ներկայությունը լեհերին չի փրկի: