Հայ մարզիկ, 2022 թվականի սպորտային մարմնամարզության աշխարհի առաջնության հաղթող Արթուր Դավթյանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
«2022 թվականին կայացած սպորտային մարմնամարզության աշխարհի առաջնությունում տարած փայլուն հաղթանակի, միջազգային ասպարեզում Հայաստանն ըստ արժանվույն ներկայացնելու համար Արթուր Վահրամի Դավթյանին պարգևատրել «Հայրենիքին մատուցած ծառայությունների համար» 1-ին աստիճանի մեդալով»,- ասված է նախագահի կայքում հրապարակված հրամանագրում։
30-ամյա Դավթյանը «ոսկե մեդալ» է նվաճել 2022 թվականի նոյեմբերի 6-ին Լիվերպուլում սպորտային մարմնամարզության աշխարհի առաջնությունում։