Իսլանդիայի մայրաքաղաքում ընթացող եվրոպական մայրցամաքի առաջնությանը Հայաստանը ներկայացված է հինգ գրոսմայստերներով:
Ռեյկյավիկում ընթացող Եվրոպայի անհատական առաջնության հինգ տուրից հետո հայ գրոսմայստեր Հովհաննես Գաբուզյանը երկու այլ շախմատիստների հետ գլխավորում է մրցաշարային աղյուսակը:
Հինգերորդ տուրում Գաբուզյանը սևերով հաղթեց խորվաթ ուժեղ գրոսմայստեր Իվան Սարիչին և հավաքեց 4,5 միավոր:
Մինչ այդ մրցաշարի առաջատար Ռոբերտ Հովհաննիսյանը հինգերորդ տուրում կրեց առաջին պարտությունը՝ զիջելով ադրբեջանցի Ռաուֆ Մամեդովին: Գաբրիել Սարգսյանը, Հայկ Մարտիրոսյանը և Սամվել Տեր-Սահակյանը իրենց պարտիաներն ավարտեցին ոչ-ոքի:
Եվրոպայի առաջնությունում, որը տեղի է ունենում Իսլանդիայի մայրաքաղաք Ռեյկյավիկում, Հայաստանը ներկայացնում են Գաբրիել Սարգսյանը, Հայկ Մարտիրոսյանը, Հովհաննես Գաբուզյանը, Ռոբերտ Հովհաննիսյանը և Սամվել Տեր -Սահակյանը:
Մրցաշարին մասնակցում է 180 շախմատիստ: