Ռուսաստանի Դաշնության երիտասարդական հավաքականի անդամ Նաիր Տիկնիզյանը որոշել է հանդես գալ Հայաստանի ազգային հավաքականում։
«Շնորհակալ եմ Հայաստանի ֆուտբոլի ֆեդերացիային ընձեռված հնարավորության համար: Կփորձեմ ապացուցել, որ կարող եմ օգտակար լինել հավաքականին: Որոշումը կայացրել եմ իմ նախաձեռնությամբ, սա եղել է իմ անձնական ընտրությունը»,- ասել է 23-ամյա ֆուտբոլիստը, ով հանդես է գալիս Մոսկվայի «Լոկոմոտիվում»։
Նախկինում Տիկնիզյանը հանդես է եկել Մոսկվայի ԲԿՄԱ-ում և Կուրսկի «Ավանգարդում»: Ֆուտբոլիստը յոթ հանդիպում է անցկացրել Ռուսաստանի երիտասարդական հավաքականի կազմում։