Սուսերամարտի կրկնակի օլիմպիական չեմպիոն Յանա Եգորյանը պատրաստվում է գալ Երևան հանգստանալու:
Պատասխանելով այն հարցին, թե արդյոք նա խոստացել է որևէ բան անել օլիմպիական խաղերում հաղթելու դեպքում Եգորյանը պատասխանել է. «Ես մի ամբողջ ծրագիր ունեի թե ինչ եմ անելու հետո օլիմպիական խաղերից հետո: Պետք է վերանորոգեմ բնակարանս` մեկ, պետք է գնամ Երևան` երկու ... »
Ըստ նրա այդ ամենի համար կգնան պարգևավճարները. «Առաջին հերթին կլուծվի բնակարանային խնդիրը, և հետո կգնամ հանգստանալու», - ասել է օլիմպիական կրկնակի չեմպիոնը:
Եգորյանը նաև նշեց , որ Ռիո դե Ժանեյրոյի օլիմպիադայի հաղթանակից հետո նա շատ հաճելի խոսքերով հեռագիր է ստացել Ռուսաստանի նախագահ Վլադիմիր Պուտինից: Իսկ միջազգային սուսերամարտի ֆեդերացիայի ղեկավար Ալիշեր Ուսմանովը անձամբ է զանգել և ասել, որ մարզուհին ճիշտ ուղղությամբ է ընթանում: Նա խորհուրդ է տվել չթուլանալ և շարունակել աշխատել:
Սուսերամարտիկը նաև նշել է, որ մեծ հաճույքով կնկարահանվեր որևէ ֆիլմում, և նույնիսկ ցույց կտար իր սուսերամարտի կարողությունները:
Բացի այդ, Եգորյանը խոստովանել է, որ հազարավոր SMS հաղորդագրություններ է ստանում ամուսնության առաջարկներով:
«Նրանք այնքան երկար, հանգամանալից հաղորդագրություններ են գրում: Իհարկե, դա շատ հաճելի է ինձ համար, սակայն դրանք ընդամենը հաղորդագրություններ են», - հստակեցրեց Եգորյանը: