Հենրիխ Մխիթարյանի գոլը օգնեց «Ռոմային» նվաճել Եվրագավաթի ուղեգիր (տեսանյութ)

«Ռոմայի» կիսապաշտպան Հենրիխ Մխիթարյանը վճռորոշ գոլը խփեց «Լա Սպեցիայի» դեմ Ա Սերիայի վերջին խաղում:
Հանդիպումն ավարտվեց 2: 2 հաշվով: 85-րդ րոպեին մրցակցի դարպասը գրաված հայ ֆուտբոլիստի շնորհիվ «Ռոմա» -ն նվաճեց Կոնֆերանսների լիգայի որակավորման փուլի ուղեգիր:
Ազգային առաջնության արդյունքներով «Ռոմա» -ն 62 միավորով 7-րդ տեղում է: Այս մրցաշրջանում Մխիթարյանը խփել է 13 գոլ ու կատարել 10 գոլային փոխանցում:
«Դժվար տարի էր բոլորիս համար, բայց մենք փորձեցինք անել առավելագույնը։ Ցանկանում եմ հաջորդ տարիներին «Ռոմային» տեսնել հնարավորինս բարձր դիրքերում, քանի որ երկրպագուներն ու քաղաքն արժանի են դրան», - գրել է ֆուտբոլիստը «Facobook» - ում:
«Ռոմայի» հետ հայ կիսապաշտպանի պայմանագրի ժամկետը ավարտվում է 2021 թվականի հունիսի 30-ին: Ավելի վաղ հաղորդվում էր, որ 32-ամյա Մխիթարյանը չի ցանկանում խաղալ հռոմեացիների նոր մարզիչ, պորտուգալացի Ժոզե Մոուրինյոյի ղեկավարության տակ, ով կգլխավորի ակումբը հաջորդ մրցաշրջանում:
Լրատվամիջոցների հաղորդմամբ, նրա նկատմամբ հետաքրքրություն են ցուցաբերում մի շարք ակումբներ, այդ թվում ` «Միլանը», «Յուվենտուսը» և «Զենիթը»:՚