Իսպանիայի փոխչեմպիոն Մադրիդի «Ռեալի» ֆրանսիացի հարձակվող Կիլիան Մբապպեն սոցիալական ցանցերում արած իր գրառումով անդրադարձել է թիմի՝ Չեմպիոնների լիգայից դուրս մնալուն՝ հղելով հույսի և վճռականության ուղերձ ակումբի համար դժվարին պահին։ «Արքայական թիմը» սենսացիոն կերպով պարտվել էր Գերմանիայի չեմպիոն Մյունխենի «Բավարիային» եվրոպական գլխավոր մրցաշարի քառորդ եզրափակիչում՝ պարտվելով երկու հանդիպումներում էլ համապատասխանաբար 1:2 և 3:4 հաշվով։
Իր հուզական ուղերձում Մբապպեն ընդգծել է թիմի անզիջում պայքարը. «Մենք պայքարեցինք մինչև վերջ, բայց դա քիչ էր։ Ցավալի է այսպիսի կարևոր մրցաշարից դուրս մնալը, բայց պետք է նայել դեպի ապագա։ Մենք պետք է ուշադիր մտածենք մեր մասին, որպեսզի խուսափենք այսպիսի հիասթափությունից»։
Հարձակվողը, ով «Ռեալի» առանցքային խաղացողներից է, նաև վստահեցրել է երկրպագուներին թիմի անսասան ոգու մասին։ «Մենք երբեք չենք հանձնվի։ «Ռեալում» անհաջողությունը երբեք չի եղել տարբերակ։ Ես խոստանում եմ, որ մենք նորից կսկսենք հաղթել և շատ մոտ ապագայում»,- գրել է Մբապպեն՝ ցուցադրելով առաջնորդական հատկանիշներ և ակումբի փառքը վերականգնելու ձգտումը։
Չեմպիոնների լիգայից դուրս մնալը լուրջ հարված էր «Ռեալի» հավակնություններին, որը միշտ ձգտում է առավելագույն արդյունքների։ Այս պարտությունը կասկածի տակ է դնում թիմի խաղի որոշ ասպեկտներ, սակայն Մբապեի հայտարարությունը հզոր խթան է խաղացողների և երկրպագուների համար։ Այժմ «Բավարիան», որը դուրս է թողել «Ռեալին», կիսաեզրափակիչում կմրցի Ֆրանսիայի չեմպիոն և Չեմպիոնների լիգայի գավաթակրի տիտղոսը պաշտպանող ՊՍԺ-ի հետ, ինչը խոստանում է լինել մրցաշարի ամենահետաքրքիր դիմակայություններից մեկը։ Մբապեի խոսքերը կոչված են համախմբելու թիմին և նրա էներգիան ուղղելու մնացած մրցաշարերում և հաջորդ մրցաշրջանում նոր հաղթանակների հասնելուն։
