Ուկրաինացի մասնագետ Ալեքսանդր Պետրակովը կգլխավորի Հայաստանի ազգային հավաքականը: Ինչպես նշվում է Հայաստանի ֆուտբոլի ֆեդերացիայի կայքում, նրա թեկնածությունը հաստատվել է Գործադիր կոմիտեի այսօրվա նիստում։
65-ամյա Պետրակովն իր կարիերայի ընթացքում մարզել է Ուկրաինայի ազգային հավաքականները տարբեր տարիքային կատեգորիաներում։ Նրա գլխավորությամբ Ուկրաինայի U-19 հավաքականը 2018 թվականին դուրս եկավ Եվրոպայի առաջնության կիսաեզրափակիչ, իսկ 2019 թվականին U-20 հավաքականը դարձավ աշխարհի չեմպիոն։
2021-2022 թթ նա Ուկրաինայի ազգային հավաքականի գլխավոր մարզիչն էր և թողել է այդ պաշտոնը երկու օր առաջ։
Հայաստանի հավաքականի գլխավոր մարզչի պաշտոնը թափուր է արդեն 3,5 ամիս սեպտեմբերի 29-ին իսպանացի Խոակին Կապարոսի հրաժարականից հետո, որը հետևեց մի շարք պարտություններին։
Ազգային հավաքականի գլխավոր մարզչի պարտականությունները ժամանակավորապես ստանձնել էր նախկին դարպասապահ Ռոման Բերեզովսկին։