Պորտուգալացի հարձակվող Կրիշտիանու Ռոնալդուն ճանաչվել է վատագույն խաղացող 2024 թվականի Եվրոպայի առաջնության քառորդ եզրափակչի Ֆրանսիայի հետ խաղում։ Սա, ինչպես գրում է AiF-ը, բխում է A Bola հրատարակության լրագրողների գնահատականների հիման վրա կազմված վարկանիշից։
Ընդ որում, վարկանիշներ տրվել են բացառապես պորտուգալացի ֆուտբոլիստներին։
Լրագրողների կարծիքով՝ ամենավատը Ռոնալդուն ու 24-ամյա հարձակվող Ժոաո Ֆելիքսն էին։ Տասը հնարավորից հինգ միավոր են ստացել։ Հանդիպման լավագույն խաղացող է ճանաչվել 22-ամյա ձախ պաշտպան Նունո Մենդեշը։
Միաժամանակ Ռոնալդուն հետխաղյա սերիաներում իրացրած 11 մետրանոցներով եվրոյի ռեկորդ սահմանեց։ Ընդհանուր առմամբ, պորտուգալացի ֆուտբոլիստը հետխաղյա սերիայում չորս գնդակ ունի 11 մետրանոցից, ինչը մրցաշարային ռեկորդ է։
Առաջնության քառորդ եզրափակչի Ֆրանսիա - Պորտուգալիա հանդիպումն ավարտվեց վերջինիս պարտությամբ։ Հանդիպումը կայացել է հուլիսի 5-ին Համբուրգում՝ Volksparkstadion մարզադաշտում։
Հանդիպման հիմնական ժամանակն ավարտվել է 0:0 հաշվով։ Խաղի ելքը որոշվեց 11 մետրանոց հարվածաշարի ժամանակ՝ 5:3 հօգուտ Ֆրանսիայի, որը դրա շնորհիվ դուրս եկավ առաջնության կիսաեզրափակիչ։ Այժմ թիմը խաղալու է Իսպանիայի հետ։
