Մինչև 109կգ քաշային կարգում հանդես եկող հայ ծանրորդ Սիմոն Մարտիրոսյանը, զիջելով ուզբեկ ծանրորդ Ակբար Ջուրաևին՝ զբաղեցրեց երկրորդ տեղը Տոկիոյի Օլիմպիական խաղերում և բերեց Հայաստանին արծաթե մեդալ։
Մարտիրոսյանը աշխարհի 2018 և 2019 թվականների չեմպիոն է, Ռիո դե Ժանեյրոյում կայացած Օլիմպիական խաղերի արծաթե մեդալակիր, Եվրոպայի 2017 և 2019 թվականների չեմպիոն, Եվրոպայի 2016 թվականի առաջնության բրոնզե մեդալակիր:
Սա Հայաստանի երրորդ մեդալն է Տոկիոյի օլիմպիական խաղերում: Օլիմպիական խաղերի արծաթե մեդալակիր է դարձել հունահռոմեական ոճի ըմբիշ Արթուր Ալեքսանյանը, բրոնզե մեդալակիր՝ մարմնամարզիկ Արթուր Դավթյանը: