Հայաստանի բռնցքամարտիկներն 8 մեդալ են նվաճել Ռումինիայում կայացած բռնցքամարտի երիտասարդների միջազգային մրցաշարում, որին մասնակցել է 30 երկիր։
Հայաստանի բռնցքամարտի ֆեդերացիայից հայտնում են, որ Վազգեն Բադալյանի գլխավորած ընտրանու կազմում ոսկե մեդալ է նվաճել 86 կգ քաշային Դավիթ Սիմոնյանը։
48 կգ քաշային Հովհաննես Հարությունյանը, 57 կգ քաշային Գոռ Ազիզյանզը, 80 կգ քաշային Համլետ Ադամյանը, և 92 կգ քաշային Իշխան Հովսեփյանը արժանացել են արծաթե պարգևի։ Եվս 3 բռնցքամարտիկ` Տիգրան Հովսեփյան, Արման Միսկարյանը և Ալբերտ Հարությունյանը, նվաճել են բրոնզե մեդալ։