«Դինամոյի» կիսապաշտպան Արսեն Զախարյանը նշել է, որ չի տեղափոխվի «Գալաթասարայ», չնայած թուրքական լրատվամիջոցների բազմաթիվ տեղեկություններին։
«Ես իմ կարիերան «Գալաթասարայում» չեմ դիտարկում անձնական պատճառներով»,- ասել է Զախարյանը «Չեմպիոնատ»-ի թղթակից Անդրեյ Պանկովի հետ հարցազրույցում։
Թուրքական լրատվամիջոցները վերջերս Զախարյանին վերագրվող խոսքեր էին հրապարակել։ Ըստ նրանց՝ 19-ամյա կիսապաշտպանը հայտարարել է «Գալաթասարայ» տեղափոխվելու ցանկության մասին։ Ավելի ուշ «Դինամոն» հերքել է այս տեղեկությունը՝ ասելով, որ Զախարյանը թուրքական «Թվիթեր»-ին որևէ մեկնաբանություն չի տվել։
Զախարյանի պայմանագիրը «Դինամոյի» հետ ուժի մեջ է մինչև 2024 թվականի ամառ։