Ուկրաինայի նորընտիր նախագահ Պյոտր Պորոշենկոյի երդմնակալությունից հետո, Բելառուսի նախագահ Ալեքսանդր Լուկաշենկոն հայտարարել է, որ իր կարծիքով Ուկրաինան պետք է միասնական, ամբողջական պետություն լինի, գրում է «ՌԻԱ Նովոստին»: «Ուկրաինան պետք է միասնական, ամբողջական պետություն լինի եւ այդպիսին կլինի», - ասել է նա ու հավելել. «Կարեւորն այն է, որ ուկրաինացիները դուրս գան այս վիճակից: Ես չեմ կարծում, որ դրությունն աղետալի է: Չափազանց շատ են կրքեր բորբոքվում, չափազանց շատ են խոսակցությունները: Պարզապես հարկավոր է հանդարտվել եւ կայունացնել իրավիճակը»: