Ազատություն Ջուլիան Ասանժին
14-02-2019 16:40

ԱՄՆ կոնգրեսականը կոչ է արել Թրամփին դադարեցնել պաշտպանել Էրդողանին Հայոց ցեղասպանության ճանաչման հարցում

ԱՄՆ կոնգրեսական Բրեդ Շերմանը կոչ է արել ԱՄՆ նախագահ Դոնալդ Թրամփի վարչակազմին դադարեցնել պաշտպանել Թուրքիայի նախագահ Ռեջեփ Թայիփ Էրդողանին Հայոց ցեղասպանությունը ճանաչելու հարցում: Այս մասին հաղորդել է Ամերիկայի Հայ Դատի հանձնախումբը (ANCA) Twitter- ի էջում:

“Եթե դուք չեզոք դիրք ընդունեք, Կոնգրեսը հանդես կգա որպես Ամերիկայի խիղճ”, - ասել է Շերմանը:

Նա կոչ է արել թույլ տալ օրենսդիրներին քվեարկել իրենց խղճի համաձայն ԱՄՆ-ի կողմից հայերի, հույների, ասորիների և այլ քրիստոնյա ժողովուրդների նկատմամբ Թուրքիայի հանցագործությունները ճանաչելու հարցում:

1915 թ. Հայոց ցեղասպանությունը քսաներորդ դարի առաջին ցեղասպանությունն է: Թուրքիան ավանդաբար մերժում է Առաջին համաշխարհային պատերազմի ընթացքում ավելի քան մեկուկես միլիոն հայի զանգվածային բնաջնջման մեղադրանքները և չափազանց ցավագին է արձագանքում Արևմուտքի կողմից Հայոց ցեղասպանության վերաբերյալ քննադատությանը:

Հայոց ցեղասպանության փաստը ճանաչվել է բազմաթիվ պետությունների կողմից: 1965 թվականին առաջինը դա արել է Ուրուգվայը, որի օրինակին հետևել են Ռուսաստանը, Ֆրանսիան, Իտալիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Գերմանիան, ԱՄՆ 48 նահանգ։ Հայոց ցեղասպանությունը ճանաչվել է նաև Վատիկանի, Եվրախորհրդարանի, Եկեղեցիների համաշխարհային խորհրդի կողմից: