Այսօր առավոտից Եվրոպայի մի շարք երկրներում հայ համայնքների ներկայացուցիչները բողոքի ակցիաներ են իրականացնում՝ պահանջելով ճանաչել Արցախի անկախությունն ու դատապարտել թուրք-ադրբեջանական և ահաբեկչական ագրեսիան:
Նրանք փակ են պահում միջպետական ավտոմայրուղիները՝ Ֆրանսիայից Իսպանիա, Ֆրանսիայից Բելգիա, Բելգիայից Նիդերլանդներ, Ֆրանսիայից Շվեյցարիա, Նիդերլանդներից Գերմանիա, Լյուքսեմբուրգ-Բելգիա-Ֆրանսիա ճանապարհները:
Հայերը վանկարկում են «Սփյուռք-Արցախ-Հայաստան», «Արցախը Հայաստան է», «Ստո՛փ, Էրդողան, ստո՛փ, Ալիև», «Ալիև, Էրդողան, տեռորիստ» և այլն:
«Եվրոպայի հայությունն այսօր կազմակերպված երկկողմանի փակել է Եվրոպայի բոլոր ճանապարհները: Չենք պատրաստվում բացել, մինչև լրագրողները չներկայացնեն պահանջները»,- նշում են նրանք:
Արմինե Գևորգյան
Երևանում երթեր ու բողոքի ակցիաներ են ընթանում (ուղիղ)
