27-06-2018 07:37

Ավստրալիայի խորհրդարանում առաջին անգամ Հայոց ցեղասպանության ճանաչման շուրջ քննարկում է անցկացվել

Առաջին անգամ Ավստրալիայի պատմության մեջ Ներկայացուցիչների պալատում քննարկել են Հայոց ցեղասպանությունը ճանաչելու մասին փաստաթուղթ։

Փաստաթղթում հեղինակները ի թիվս այլնի ճանաչում են «այն ժամանակ նոր ձեւավորված Ավստրալական Միության արտակարգ հումանիտար ջանքները որբացած եւ այլ անձանց նկատմամբ, որոնք վերապրել են Հայոց ցեղասպանությունը, ինչպես նաեւ Օսմանյան կայսրության մյուս քրիստոնեական փոքրամասնությունների նկատմամբ, նրանց թվում՝ հույներն ու ասորիները։

Փաստաթուղթը պատգամավորներին է ներկայացվել  Տրենտ Զիմերմանը, Ջոել Ֆիտգիբոնը եւ Ջոն Ալեքսանդրը։ Սատարող ելույթով հանդես են եկել նաեւ պատգամավորներ Քրիս Բրաունը, Էնն Էլին եւ Ստյուարտ Ռոբերտը։

Ավստրալիայի հայ դատի հանձնախմբի հայտարարությունում նշվում է, որ համապարփակ երկպալատ աջակցությունը վկայում է այն մասին, որ Ներկայացուցիչների պալատը կարեւոր քայլ է կատարել Ավստրալիայի կողմից առաջին խոշոր միջազգային հումանիտար օգնությունը ցեղասպանության զոհերի փրկությանն ուղղված ջանքները ճանաչելու ուղղությամբ, ցեղասպանություն, որը Օսմանյան կայսրությունում ոչնչացրեց  հայերին, հույներին ու ասորիներին։

Հետաքրքրական է, որ փաստաթուղթը Հայոց ցեղասպանությունը ճանաչում է որպես պատմական փաստ։