Թաիլանդը նախատեսում է հոկտեմբերի 1-ից մի շարք շրջաններ բացել օտարերկրյա զբոսաշրջիկների համար, այդ թվում ՝ Բանգկոկը, Պատայան, Հուահինը և Չիանգ Մայը, հայտնել է հինգշաբթի տուրօպերատորների հետ հանդիպման ժամանակ Թաիլանդի զբոսաշրջության վարչության (TAT) Մոսկվայի գրասենյակի մարքեթինգի ծառայության ղեկավար Կոնստանտին Կինելը։
«Այս ամռանը տեղի ունեցած երկու կարևոր իրադարձություն․ հուլիսի 1 -ից «Phuket Sandbox» ծրագրի մեկնարկը պատվաստված զբոսաշրջիկների համար և Samui Plus ծրագրի մեկնարկը հուլիսի 15 -ին: Պուկետը և Սուրաթ Թանի նահանգի երեք կղզիները՝ Սամույը, Փհան Նգան և Թաոն բացվել են պատվաստված զբոսաշրջիկների համար նախատեսված ծրագրերի շրջանակներում: Հոկտեմբերի 1 -ից նախատեսվում է բացել մի շարք այլ շրջաններ: Ռուսական շուկայի համար կարևոր է, որ դրանք Բանգկոկն ու Պատայան են:, ինչպես նաև Չանգը, Հուահինը և Չիանգ Մայը, որոնք գուցե Բանգկոկի և Պատայաի չափ պահանջված չեն ռուսաստանցի զբոսաշրջիկների կողմից, բայց լավ ճանարված», - նրա խոսքերն է փոխանցում «Ինտերֆաքս»-ը:
Ըստ Կինելի, Թաիլանդ մեկնելուց առաջ զբոսաշրջիկներին անհրաժեշտ է ձեռք բերել մուտքի վկայական, ձևակերպել ապահովագրություն, ներառյալ կորոնավիրուսի բուժումն`առնվազն 100 հազար ԱՄՆ դոլարի ծածկույթով: Մուտք գործելիս պետք է ներկայացնել պատվաստման վկայագիր և ուղևորությունից առնվազն 72 ժամ առաջ արված բացասականՊՇՌ թեստ։ Մինչև 18 տարեկան երեխաներին անհրաժեշտ է միայն թեստը: Թաիլանդում գտնվելու ընթացքում զբոսաշրջիկները կատարում են ևս երկու կամ երեք թեստ՝ կախված ճանապարհորդության տևողությունից:
«Զբոսաշրջության համակարգը կառուցված է կառավարության կողմից մշակված չափանիշներին խստորեն հետևելու վրա: SHA ստանդարտով հավատարմագրված է ավելի քան 16հազ․ ընկերություն՝ հյուրանոցներ և կոնգրեսների սրահներ, ռեստորաններ և սրճարաններ, զվարճանքների ու կենդանաբանական այգիներ, թանգարաններ, տրանսպորտային ընկերություններ, զբոսաշրջային գործակալություններ, առևտրի կենտրոններ, որոնք տեղակայված են զբոսաշրջիկների շրջանում ամենահայտնի մարզերում», - հավելել է TAT- ի ներկայացուցիչը:
Նրա խոսքով, COVID-19- ի բուժումը ներառոց ապահովագրությունը, կարելի է ձեռք բերել ռուսական և թաիլանդական ապահովագրական ընկերություններից: Թաիլանդում նման ապահովագրությունն առաջարկում են մոտ 20 ապահովագրողներ, այն արժե 2,5-2,6 հազար բաթ կամ մոտ 5 հազար ռուբլի:
Պատասխանելով տուրօպերատորների հարցերին, թե երբ Թաիլանդն ամբողջությամբ կվերացնի մուտքի սահմանափակումները, Կոնստանտին Կինելը շեշտել է, որ երկրի իշխանություններն ունեն ճանապարհային քարտեզ, որին համապատասխան էլ բացվում են նոր շրջանները, և քանի որ համաճարակաբանական իրավիճակը բարելավվում է՝ նոր որոշումներ կկայացվեն այս կամ շրջանը բացելու վերաբերյալ:
Սեպտեմբերի 1-ից Թաիլանդի իշխանությունները ռուսական Sputnik V դեղամիջոցով կորոնավիրուսի դեմ պատվաստված զբոսաշրջիկներին թույլատրել են այցելել Պուկետ և Սամույ կղզիներ՝ առանց երկշաբաթյա կարանտին անցնելու: