ԱՄՆ նախագահ Բարաք Օբաման վերջին անգամ մասնակցել է Սպիտակ տան մոտ տեղադրված ԱՄՆ-ի գլխավոր տոնածառի լույսերը վառելու արարողությանը:
Ելույթում Օբաման գովեստի խոսքերով է անդրադարձել ամերիկյան արժեքներին, որոնք, ըստ նրա, միավորում են բոլոր ամերիկացիներին:
«Մեզ ավելի շատ բան է միավորում, քան բաժանում»,- ասել է Օբաման՝ ամերիկացիներին շնորհակալություն հայտնելով նրանց նախագահը լինելու պատվի համար:
Այս տարի Սպիտակ տան մոտ տեղադրված եղեւնին բերել են Փենսիլվանիայից:
Օբաման պաշտոնից հեռանալու է հունվարի 20-ին: Այդ օրը նախանշված երդմնակալությունից հետո նախագահի պաշտոնը կստանձնի Դոնալդ Թրամփը: