Բավ է պառակտվել
16-07-2021 10:38

Գերմանիայում ջրհեղեղի հետևանքով զոհվել է 80 մարդ, ավելի քան հազարը համարվում են անհետ կորած

Գերմանիայի արևմուտքում ջրհեղեղի զոհերի թիվը հասել է առնվազն 80-ի։ Այս մասին ուրբաթ հայտնել է Bild թերթը, հղում անելով Կոբլենցի ոստիկանությանը։

Հյուսիսային Հռենոս-Վեստֆալիա դաշնային երկրամասում տարերքի հետևանքով զոհվել է առնվազն 30 մարդ, Ռեյնլանդ-Պֆալցեում՝ առնվազն 50։ «Մենք մտավախություն ունենք, որ [զոհերի] թիվը կավելանա»,- նշել են իրավապահ մարմինները։

Միաժամանակ, n-tv հեռուստաալիքի տվյալներով, զոհերի թիվն արդեն հասել է 81-ի։ Առանձնապես շատ է տուժել ԳՖՀ հարավում գտնվող Արվայլեր ավանը (Ռեյնլանդ-Պֆալցե երկրամաս)։ Այս պահին տեղական իշխանությունները կարծում են, որ անհետ կորել է շուրջ 1,3հազ․ մարդ։ Հինգշաբթի օրը միայն Բադ-Նոյենար-Արվայլեր քաղաքի շրջանում փրկարարները ստացել են շուրջ հազար ահազանգ։ Ընդհանուր առմամբ, մարզում բնակվում է 130 հազար մարդ։

Երկուշաբթի օրվանից Գերմանիայի արևմուտքում և հարավ-արևմուտքում տեղացող հորդառատ անձրևները հանգեցրել են ավերիչ հեղեղումների։ Տեղատարափ անձրևների հետևանքով վարարել են Հռենոսի Ար և Մոսել վտակներն, ինչպես նաև Զաուեր, Պրյում, Նիմս, Կիլ և Էրֆտ գետակներն, ընդ որում՝ փորձագետների կանխատեսումներից ավելի շատ։ Տարերքի հարվածի տակ առաջին հերթին հայտնվել են Հյուսիսային Հռենոս-Վեստֆալիա և Ռեյնլանդ-Պֆալցե դաշնային երկրամասերը։

Գերմանիայի նախագահ Ֆրանկ-Վալտեր Շտայնմայերը ցավակցություն է հայտնել զոհվածների ընտանիքներին: Գերմանիայի կանցլեր Անգելա Մերկելը խոստացել է ֆինանսական օգնություն ցուցաբերել տուժած շրջաններին: ԳԴՀ կառավարության ղեկավարը նաև նշել է, որ Արևմտյան Գերմանիայում տեղի ունեցած ավերիչ ջրհեղեղի հետևանքների մասշտաբը կարող է ամբողջությամբ գնահատվել միայն գալիք օրերին:

Շուրջ 20 մարդ է զոհվել Տեխասի առևտրի կենտրոնում արձակած կրակոցներից
Ավստրալիայի իշխանությունները ևս 15,000 մարդու են նախազգուշացրել ջրհեղեղի պատճառով տարհանման մասին
Ռուսաստանի ԱԻՆ նախարար Եվգենի Զինիչևը զոհվել է, մարդու կյանք փրկելիս
BBC. Սիրիական խմբավորումները 1200 մարդ են ուղարկել Ադրբեջանին օգնելու համար, նրանցից առնվազն 64-ն արդեն զոհվել են
Քաղաքացիական 60 անձ զոհվել է, 40 անհետ կորածներից մի մասին էլ սպանել են․ Արտակ Բեգլարյան