Ստամբուլի գլխավոր դատախազության աշխատակիցներ անօրինական հետախուզական գործունեություն վարելու հետաքննության շրջանակում ձերբակալել են վեց մարդու, որոնցից չորսը ռուսներ են, գրում է Ինտերֆաքսը թուրքական Hurriyet թերթին հղումով։
Պարբերականի տվյալներով՝ «քաղաքական և ռազմական լրտեսության» մեղադրանքով ձերբակալվել են Ռուսաստանի չորս, ինչպես նաև Ուկրաինայի և Ուզբեկստանի մեկական քաղաքացի։
Ըստ թերթի՝ իբր ձերբակալվածները Թուրքիայում օտարերկրացիների դեմ համատեղ գործողություն էին նախապատրաստում, որի համար, իբր, նաև զենք էին ձեռք բերել: