Հայաստանի բնապահպանության նախարարության մամլո ծառայությունը տեղեկացրել է, որ 2011 թվականին ՄԱԿ-ի Եվրոպական տնտեսական հանձնաժողով ներկայացված “Անդրսահմանային համատեքստում շրջակա միջավայրի վրա ազդեցության գնահատման մասին” կոնվենցիայի պահանջների չկատարմանը վերաբերող Ադրբեջանի բողոքն անհիմն է ճանաչվել։
“Այսօր կոնվենցիայի Կողմերի միջանկյալ հանդիպման ժամանակ Հայաստանի պատվիրակության ներկայացրած փաստերի հիման վրա ընդունվել է պաշտոնական որոշում, որով հաստատվել է, որ Հայաստանը լիովին կատարել ու կատարում է միջազգային կոնվենցիայի դրույթները, և Ադրբեջանի բողոքն անհիմն է համարվել”– ասվել է հաղորդման մեջ։
Տեղեկացվել է, որ “Անդրսահմանային համատեքստում շրջակա միջավայրի վրա ազդեցության գնահատման մասին” կոնվենցիայի շրջանակներում գործողություններն իրականացվել են Հայաստանի Արտաքին գործերի և Էներգետիկ ենթակառուցվածքների և բնական պաշարների նախարարությունների հետ հանատեղ։