Թուրքիայի նախագահ Թայիփ Էրդողանը բանակցություններ է վարել Եվրահանձնաժողովի ղեկավար Ուրսուլա ֆոն դեր Լեյենի հետ: Այս մասին շաբաթ օրը հայտարարվել է Թուրքիայի ղեկավարի գրասենյակի կողմից:
«Բանակցությունների ընթացքում քննարկվել են Թուրքիայի և ԵՄ երկկողմ զարգացման խնդիրներն, ինչպես նաև տարածաշրջանային իրադարձությունները: Նախագահ Էրդողանը բանակցությունների ժամանակ ասել է, որ ԵՄ-ն առաջնահերթ դիրք է գրավում Թուրքիայի օրակարգում: Նա նաև ասել է, որ Թուրքիայի ապագան տեսնում է Եվրոպայում», - ասվում է տարածված հայտարարության մեջ:
Էրդողանը մատնանշել է «Մաքսային միության նորացման, Թուրքիայի քաղաքացիների համար վիզայի ազատության ապահովման և Թուրքիայի ԵՄ անդամակցության բանակցություններում քայլեր ձեռնարկելու անհրաժեշտությունը»: «Անհրաժեշտ է վերականգնել փոխվստահությունը, վերականգնել խորհրդակցությունների մեխանիզմները, վերջ տալ բացառիկ և խտրական գործողություններին, ինչպես նաև բանակցությունների գործընթացում թեկնածու երկիր հանդիսացող Թուրքիայի դեմ հռետորաբանությանը: Նախագահ Էրդողանը հետաքրքրություն է հայտնել Թուրքիա-ԵՄ կանոնավոր գագաթաժողովների և բարձր մակարդակի երկխոսության վերսկսման հարցում» , - նշվում է հաղորդագրության մեջ:
1964 թվականից Եվրամիության ասոցացված անդամ հանդիսացող Թուրքիան ԵՄ-ին անդամակցելու հայտ է ներկայացրել 1987 թվականի ապրիլի 14-ին: ԵՄ մուտք գործելու բանակցային գործընթացը սկսվել է 2005 թվականի հոկտեմբերի 3-ին: Միությանը միանալու համար Թուրքիան պետք է հաջողությամբ ավարտի Եվրահանձնաժողովի հետ բանակցությունները 35 բանակցային կետերից 33-ի շուրջ (երկուսը համաձայնեցման կարիք չունեն): Դրանից հետո ԵՄ երկրները պետք է միաձայն քվեարկեն Թուրքիային Եվրամիությանն անդամակցություն տրամադրելու օգտին:
2017-ի հուլիսի 6-ին Եվրախորհրդարանը բանաձև է ընդունել, որով կոչ է արել ԵՄ երկրներին և Եվրահանձնաժողովին դադարեցնել բանակցությունները Թուրքիայի անդամակցության վերաբերյալ, քանի դեռ երկրի իշխանությունները չեն փոխել սահմանադրությունը: 2017-ի ապրիլին անցկացվեց հանրաքվե Թուրքիայի սահմանադրական բարեփոխումների վերաբերյալ, որի արդյունքում տեղի ունեցավ նախագահական լիազորությունների զգալի ընդլայնում:
Վերջին չորս տարիների ընթացքում Բրյուսելը և ԵՄ անդամ երկրները տարբեր մակարդակներով բազմիցս հայտարարել են, որ Թուրքիան իր գործողություններով նպաստում է եվրոպական համայնքից հեռվանալուն և կոչ են արել Անկարային կողմնորոշվել իր դիրքորոշել իր դման հարցում: