ԵՄ երկրները ցանկանում են պայմանավորվել պատվաստված անձանց համար COVID-19 համաճարակի պատճառով մտցված ԵՄ մուտքի և ԵՄ ներսում տեղաշարժի սահմանափակումների հետագա մեղմացման շուրջ (այնուամենայնիվ, դա չի վերաբերում կորոնավիրուսային վարակի դեմ ռուսական դեղամիջոցներով պատվաստված անձանց)։. Այդ մասին չորեքշաբթի հաղորդել է Bloomberg- ը՝ հղում անելով Եվրահանձնաժողովի ոչ պաշտոնական առաջարկին:
Այն ենթադրում է քովիդ անձնագրերի շարունակական օգտագործում, որոնք ներառում են տեղեկատվություն կորոնավիրուսի դեմ պատվաստումների, նախկինում հիվանդության կամ վարակի բացասական թեստի վերաբերյալ: Առանց այդ անձնագրերի ճանապարհորդներին կարող է պարտադրվել նպատակակետ ժամանելուն պես կատարել COVID-19 թեստեր: Ժամանումից հետո կարանտին կարող է պահանջվել միայն բացառիկ դեպքերում, օրինակ՝ հիվանդության նոր վտանգավոր շտամներ ի հայտ գալու դեպքում:
Եվրահանձնաժողովի առաջարկը թույլ է տալիս նաև հրաժարվել ԵՄ հատուկ սանիտարական քարտի վրա գունային գոտիներ նշելուց, որոնք տեղեկացնում են այս կամ այն եվրոպական պետությունում կամ տարածաշրջանում COVID-19 վարակի ընթացիկ տեմպերի մասին: Այս քարտն օգտագործվում է համաճարակային միջոցառումները մեղմացնելու կամ խստացնելու վերաբերյալ որոշումներ կայացնելու համար:
Ըստ Bloomberg- ի՝ գոտիների նշումը կարող է և պահպանվել՝ բարելավելով տվյալների որոշման մեթոդը, որոնց հիման վրա կատարվում է բաժանումն են ըստ գույների: Անդամ երկրները ցանկանում են խրախուսել «կարմիր» և «մոխրագույն» գոտիներից զբոսաշրջիկների ընդունման ավելի պարզ և միասնական կանոնների ներդրումը:
Եվրահանձնաժողովը նախատեսում է պահպանել արտակարգ իրավիճակների արձագանքման մեխանիզմների կիրառման հնարավորությունը՝ COVID-19- ի նոր բռնկումների կամ վտանգավոր շտամների հայտնվելու դեպքում, սակայն մտադիր է հակաքովիդային սահմանափակումների միասնական հանձնարարականներ ստեղծել ԵՄ անդամների համար: