հաղթելուենք
10-09-2020 16:54

Հունաստանը ՆԱՏՕ-ին իրազեկել է Միջերկրական ծովում Թուրքիայի սադրիչ գործողությունների մասին

Հունաստանը ՆԱՏՕ-ի անդամ պետություններին մանրամասն իրազեկել է Միջերկրական ծովում Թուրքիայի սադրիչ գործողությունների մասին: Սեպտեմբերի 10-ին կայացած ճեպազրույցում այդ մասին հայտարարել է Հունաստանի կառավարության պաշտոնական ներկայացուցիչ Ստելիոս Պեցասը:

Նրա խոսքով՝ սեպտեմբերի 9-ին «Հունաստանի նախաձեռնությամբ Հյուսիսատլանտյան խորհրդում, որը ՆԱՏՕ-ի բարձրագույն քաղաքական մարմինն է, քննարկվել են Թուրքիայի սադրանքները»:

«Այդպիսով, հունական կողմին հնարավորություն է ընձեռվել ՆԱՏՕ-ի անդամ պետություններին մանրամասն իրազեկելու Թուրքիայի՝ (Հյուսիսատլանտյան) դաշինքի անդամի ապօրինի եւ սադրիչ գործողությունների մասին, ի վնաս ոչ միայն Հունաստանի, այլեւ հենց դաշինքի թե՛ անվտանգության եւ թե՛ համախմբվածության: Հանգամանորեն ներկայացվել են Թուրքիայի սադիրչ գործողությունները Եգեյան ծովում եւ Արեւելյան Միջերկրականում»,- ասել է կաբինետի ներկայացուցիչը:

«Հավաստվեց նաեւ մեր հայտարարված դիրքոշումը լավածության ապաէսկալացիայի շուրջը: Այսինքն՝ ապաէսկալացիայի անհրաժեշտ պայման է (թուրքական) Oruc Reis-ի (հետազոտական նավի) եւ այն ուղեկցող ռազմանավերի դուրսբերումը Հունաստանի մայրցամաքային ափամերձ ծանծաղուտից»,- ասել է Պեցասը:

ՆԱՏՕ-ն փորձում է հավասարահեռ դիրքորոշում բռնել իր անդամներ Հունաստանի եւ Թուքիայի նկատմամբ՝ նրանց ապաէսկալացիայի եւ երկխոսության կոչ անելով: Դաշինքը կարծում է, որ երկուստեք պետք է իրենց ռազմանավերը հեռացնեն «վիճելի գոտուց». Հունաստանը դա ընկալում է որպես Թուրքիայի դիրքորոշման միանշանակ պաշտպանություն, որն, Աթենքի խոսքով՝ նավերն անօրինականորեն ուղարկել է Հունաստանի ծովային ափամերձ ծանծաղուտի շրջան:

Ըստ որում Անկարան ասում է, որ համաձայն է երկխոսության «առանց նախնական պայմանների», Հունասանը դրանց թվին է դասում բոլոր թուրքական նավերի նախնական անհապաղ դուրսբերումն իր ափամերձ ծածաղուտից, հաղորդել է ՏԱՍՍ-ը:

Թուրքիան պետք է դատվի գործողություններով, ոչ թե հայտարարություններով․ Հունաստանի ԱԳ նախարար
Հունաստանի ԱԳՆ-ն Թուրքիային կոչ է արել անհապաղ դուրս բերելու իր նավերը Հունաստանի շելֆից
Ինչպե՞ս կարող ենք թույլ տալ, որ Թուրքիան մնա ՆԱՏՕ-ում: Օլանդը մասնակցել է Արցախի պաշտպանության հավաքին ակցիային
ԱՄՆ Կոնգրեսում առաջարկում են Թուրքիային հանել ՆԱՏՕ-ից
ԱՄՆ Կոնգրեսական Ադամ Շիֆը կոչ է արել ճանաչել Արցախի անկախությունը