Իլոն Մասկը կարծիք է հայտնել, որ Վլադիմիր Զելենսկին պետք է հրաժարական տա և հեռանա Ուկրաինայից։ Նա ասաց, որ նման քայլը կարող է օգնել երկրի խաղաղ անցմանը դեպի ժողովրդավարություն:
«Որքան էլ տհաճ լինի, Զելենսկին պետք է մտածի չեզոք երկրում համաներում առաջարկելու մասին՝ Ուկրաինայում ժողովրդավարության խաղաղ անցման դիմաց»,- գրել է Մասկը X-ում։
Փետրվարի 28-ին Զելենսկին այցելել է Սպիտակ տուն՝ բանակցություններ վարելու ԱՄՆ նախագահ Դոնալդ Թրամփի հետ։ Զրույցի ընթացքում նրանց միջև լարված իրավիճակ է ստեղծվել. Թրամփը Զելենսկիին մեղադրել է անհարգալից պահվածքի մեջ, իսկ ԱՄՆ փոխնախագահ Ջ. Դրանից հետո հանդիպմանը հաջորդած մամուլի ասուլիսը չեղարկվեց, իսկ ԱՄՆ-ի և Ուկրաինայի միջև հանքանյութերի մասին համաձայնագրի ստորագրումը չկայացավ։ Ավելի ուշ Թրամփը շեշտել է, որ Զելենսկու պահվածքը վկայում է նրա անպատրաստ լինելու մասին հակամարտության խաղաղ կարգավորմանը։