Բա՛վ է պառակտվել
22-01-2020 21:07

Աշխարհին սպառնում են Ապոկալիպսիսի չորս հեծյալները․ՄԱԿ-ի գլխավոր քարտուղար

Աշխարհաքաղաքական լարվածությունը, կլիմայի փոփոխությունը, գլոբալ անվստահությունը և նոր տեխնոլոգիաների չարաշահումը․ սրանք են աշխարհի համար առավել վտանգավոր ապոկալիպսիսի չորս հեծյալներն։ Այս մասին չորեքշաբթի հայտարարել է Միացյալ Ազգերի կազմակերպության գլխավոր քարտուղար Անտոնիու Գուտերիշը, ՄԱԿ-ի Գլխավոր ասամբլեայում կազմակերպության 2019 թվականի գործունեության արդյունքների և 2020 թվականի անելիքների մասին իր զեկույցի ժամանակ։

“ՄԵր աշխարհը մոտենում է անդառնալիության կետին։ Ես տեսնում եմ չորս “հեծյալ”,՝ չորս վերահաս սպառնալիք, որոնք վտանգ են ներկայացնում առաջընթացի և 21-րդ դարի ամբողջ ներուժի համար”,- ասել է Գուտերեշը։

“Առաջին հեծյալը ներկայանում է աշխարհքաղաքական բարձրագույն լարվածության կերպարանքով” - ասել է նա: Գլխավոր քարտուղարը նշել է, որ հենց այդ պատճառով “ահաբեկչական հարձակումներն անողոքաբար կյանքեր են խլում, միջուկային սպառնալիքն աճում է”: “Ավելի շատ մարդիկ ստիպված են լքել իրենց տները պատերազմի և հետապնդումների պատճառով, քան երբևէ Երկրորդ համաշխարհային պատերազմից հետո”, - ասել է նա:

Երկրորդ, ըստ Գուտերեշի, միջազգային հանրությունը “բախվել է էկզիստենցիալ կլիմայական ճգնաժամի հետ”: “Միջին համաշխարհային ջերմաստիճանի աճը շարունակում է ռեկորդներ սահմանել: Մոտ ժամանակներս կենդանիների միլիոնավոր տեսակներին սպառնում է ոչնչացում”, - նախազգուշացրել է նա: “Մեր մոլորակն այրվում է”, - ասել է համաշխարհային կազմակերպության ղեկավարը:

“Երրորդ հեծյալը խորը և աճող գլոբալ անվստահությունն է”,- համարում է գլխավոր քարտուղարը։ “”Ինչպես ցույց տվեցին նախօրեին արված մեր զեկույցները, երեք մարդուց երկուսն ապրում են երկրներում, որտեղ մեծ է անհավասարությունը։ Նվազում է քաղաքական ինստիտուտների նկատմամբ վստահությունը։ Կանայք պահանջում են իրավունքների հավասարություն և ազատություն բռնությունից ու խտրականությունից”,- թվարկել է նա։

Չորրորդ գլոբալ սպառնալիքն, ըստ ՄԱԿ-ի ղեկավարի, “թվային աշխարհի հակառակ կողմն է”։ “Տեղնոլոգիական առաջընթացն ավելի արագ է ընթանում, քան նրան համապատասխանելու, անգամ՝ այն գիտակցելու մեր կարողությունները”,- նշել է նա։ “ՉՆայած այն հսկայական առավելություններին, որոնք բերում են նոր տեխնոլոգիաները, դրանք օգտագործում են հանցագործություններ կատարելու, ատելություն հրահրելու, կեղծ տեղեկություններ տարածելու, մարդկանց ճնշելու և շահագործելու, ինչպես նաև անձնական կյանքի գաղտնիութունը խախտելու համար”, - նկատել է նա:

Չնայած դրան, Գուտերիշը ուշադրություն է հրավիրել նաև “հույսի որոշ նշանների” վրա: Նրա խոսքով՝ անցած մեկ տարվա ընթացքում կանխվել են մի շարք հակամարտություններ, այդ թվում՝ Կոնգոյի Դեմոկրատական Հանրապետությունում, Մադագասկարում, Մալիում և Մալդիվներում: Հակամարտությունների թվում, որոնց կարգավորման մեջ որոշակի առաջընթաց է գրանցվել , նա նշել է Եմենը, Սիրիան և Լիբիան:

ԱՄՆ-ում ցուցարարները պղծել են Հայոց ցեղասպանության զոհերի հիշատակին նվիրված խաչքարը
ԱՄՆ քաղաքներում ցույցեր են Ջորջ Ֆլոյդի մահվան կապակցությամբ (լուսանկարներ)
Երբ կարելի կլինի մեկնել արտասահման հանգստի
Ռոբոտները մեր մեջ․ Սինգապուրում ռոբոտը վերահսկում է մարդկանց (Լուսանկար)
“Մարդիկ հոգնել են տանը նստելուց”․ Եվրոպան վերադառնում է նորմալ կյանքին (լուսանկարներ)