Ֆրանսիայի հարավում հազարավոր մարդկանց են տարհանում Վար դեպարտապենտում (Պրովանս-Ալպեր-Լազուր ափ տարածաշրջան) անտառային հրդեհի պատճառով։ Տարհանում են նաև քեմփինգներում հանգստացող զբոսաշրջիկներին, հայտնում է Վարի պրեֆեկտուրան։
Զոհերի մասին տեղեկություն դեռևս չկա։ Երեք մարդ թեթև վնասվածք է ստացել, ևս 19 թունավորվել են այրման նյութերով, հայտնում է BFMTV- ն՝ վկայակոչելով պրեֆեկտուրայի երեքշաբթի առավոտյան տվյալները։
Հրդեհը սկսվել է երկուշաբթի կեսօրին և առավոտյան ընդգրկել 5000 հա տարածք՝ վնաս հասցնելով մոտ հարյուր տնային տնտեսությունների և ամբողջությամբ այրել Գրիմոյի Charlemagne քեմփինգը: Տարածաշրջանում փակ են մի քանի ավտոճանապարհներ:
Հրդեհը մարում է 700 մարդ, այդ թվում՝ հարևան դեպարտամենտներից ժամանած հրշեջները: Նրանց խանգարում է ուժեղ շոգը, երաշտը և միստրալը:
Վար է մեկնել Ֆրանսիայի ներքին գործերի նախարար Ժերալդ Դարմանենը: