Բա՛վ է պառակտվել
10-03-2020 14:36

Alibaba- ի հիմնադիր Ջեք Ման դարձել է Ասիայի ամենահարուստ մարդը

Ինտերնետ առևտրի ոլորտում աշխատող չինական Alibaba կորպորացիայի հիմնադիր Ջեք Ման դարձել է Ասիայի ամենահարուստ մարդը։

Bloomberg գործակալությունը 55-ամյա չինացու կարողությունը գնահատում Է 44,5 մլրդ դոլար, ինչը նրան 18-րդն Է դարձնում մոլորակի ամենահարուստ մարդկանց ցուցակում: Մինչև նավթի գների անկումը Ասիայի ամենահարուստ մարդկանց ցուցակը գլխավորող հնդկական Reliance Industries հոլդինգի սեփականատեր Մուքեշ Ամբանին հայտնվել է 19-րդ տեղում։ Ըստ Bloomberg-ի՝ գործարարը շուրջ 5,8 մլրդ դոլար Է կորցրել անցած 24 ժամվա ընթացքում, այժմ նրա աորողությունը կազմում է 41,8 մլրդ դոլար։

Գործակալության փորձագետները նշում են, որ Մային հաջողվել Է կորուստները նվազագույնի հասցնել։ Գործարարի կորուստն օրվա ընթացքում կազմել Է շուրջ 1 մլրդ դոլար։

Alibaba ընկերությունը հիմնադրվել է 1999թ․ և համարվում է էլեկտրոնային առևտրով և թվային վճարումներով զբաղվող խոշորագույն կազմակերպությունն աշխարհում։ Ջեք Ման թողել է իր պաշտոնը կորպորացիայի հիմնադրման 20-րդ տարեդարձին՝ 2019 թվականի սեպտեմբերի 10-ին:

Մարտի 6-ին ՕՊԵԿ+-ի անդամ երկրները չհամաձայնեցին նավթի արդյունահանումը կրճատելու գործարքի շուրջ, ինչի արդյունքում այն խղվեց։ Ռուսաստանն առաջարկում էր պահպանել գործող պայմաններն, իսկ Սաուդյան Արաբիան կողմ էր արդյունահանման ծավալների լրացուցիչ նվազեցմանը: Այս իրադարձության ֆոնին՝ մարտի 9-ի առավոտյան, Brent տեսակի նավթի ապրիլյան ֆյուչերսների գինմ ընկավ գրեթե մեկ երրորդով՝ մեկ բարելի գինը հավասարվեով 31,38 դոլարի, իսկ WTI տեսակի նավթի մեկ բարելի գինն իջավ մինչև 27,9 դոլար: Ավելի ուշ գները հետ բերեցին փլուզման մի մասը:

ԱՄՆ-ում ցուցարարները պղծել են Հայոց ցեղասպանության զոհերի հիշատակին նվիրված խաչքարը
ԱՄՆ քաղաքներում ցույցեր են Ջորջ Ֆլոյդի մահվան կապակցությամբ (լուսանկարներ)
Երբ կարելի կլինի մեկնել արտասահման հանգստի
Ռոբոտները մեր մեջ․ Սինգապուրում ռոբոտը վերահսկում է մարդկանց (Լուսանկար)
“Մարդիկ հոգնել են տանը նստելուց”․ Եվրոպան վերադառնում է նորմալ կյանքին (լուսանկարներ)