Ռուսաստանի նախագահ Վլադիմիր Պուտինը ակնկալում է, որ իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) միջոցառումների ամբողջ փաթեթը կվերականգնվի նախկին շրջանակներում:
Ուրբաթ օրը, բացելով Ռուսաստանի Անվտանգության խորհրդի մշտական անդամների հետ գործնական հանդիպումը, պետության ղեկավարն առաջարկել է քննարկել իրավիճակը Կասպյան տարածաշրջանում: Նա հիշեցրել է, որ Իրանը «կասպյան հնգյակի» շրջանակներում գործընկերներից մեկն է:
«Հուսով եմ, որ ԳՀՀԾ- ի հետ կապված ամենը կվերականգնվի նախկին շրջանակներում, և մենք կկարողանանք, այդ թվում և Կասպյան տարածաշրջանում, լիարժեք կապեր հաստատել այս կասպիական ակումբի բոլոր անդամների հետ, ամբողջ ծավալով իրականացնել մեր ունեցած բոլոր ծրագրերն», - ասել է Պուտինը:
Նա նաև շեշտել է Կասպյան տարածաշրջանի կարևորությունը Ռուսաստանի համար: Խոսքը նաև տնտեսական գործունեություն, մերձակա գործընկերների և դաշնակիցների հետ փոխգործակցություն մասին է, բացատրել է Ռուսաստանի նախագահը: «Եվ անշուշտ, դա վերաբերում է անվտանգության խնդիրներին, ընդհանուր առմամբ Ռուսաստանի շահերին Կասպյան տարածաշրջանում», - հավելել է նա:
Ռուսաստանի պետության ղեկավարը հիշեցրել է, որ Ռուսաստանը մեծ նախագծեր է իրականացնում այս տարածքում, այդ թվում ՝ էներգետիկայի ոլորտում: «Ծրագրեր կան ոչ միայն ավարտի հասցնել առկա նախագծերն, այլև - այդ մասին ինջ զեկուցում են մեր խոշոր ընկերությունների ներկայացուցիչները, կառավարությունը – ծրագրեր կան ընդլայնել մեր տնտեսական գործունեությունը, մեր տնտեսավարողների գործունեությունն», - ասել է Պուտինն, առաջարկելով խոսել «Կասպյան տարածաշրջանում Ռուսաստանի շահերի ապահովմանն առնչվող հարցերի համալիրի շուրջ»: