Բա՛վ է պառակտվել
15-08-2019 22:46

Բացահայտվել են մոտալուտ կլիմայական աղետի նոր մանրամասներ

Ցինցինատի համալսարանի (ԱՄՆ) գիտնականները եկել են այն եզրակացության, որ արկտիկական ծովային սառույցը կարող է լիովին դադարեցնել իր կազմավորումը յուրաքանչյուր տարվա սեպտեմբերին, եթե օդի գլոբալ միջին ջերմաստիճանը բարձրանա առնվազն երկու աստիճանով: Սա կհանգեցնի բևեռային էկոհամակարգերի աղետալի փոփոխությունների:

Մոդելավորման արդյունքները ցույց են տվել, որ նախաարդյունաբերական մակարդակից 1.5 աստիճան ջերմաստիճանի բարձրացման դեպքում առկա է ամառային ծովային սառույցի անհետացման վեց տոկոս հավանականություն: Ջերմաստիճանի երկու աստիճանով բարձրացման դեպքում հավանականությունը մեծանում է մինչև 28 տոկոս:

Սեպտեմբերը, որը ամառվա և ձմեռվա միջև անցումային շրջան է, բնութագրվում է Արկտիկական օվկիանոսի սառցե ծածկույթի ամենափոքր մակերեսով: Սառույցը աստիճանաբար անհետանում է հունիսից սեպտեմբեր ընկած ժամանակահատվածում, իսկ աշնանը նրա տարածքը կրկին սկսում է ավելանալ: Այնուամենայնիվ, սառույցի ծածկույթի անհետացումը սեպտեմբերին դանդաղեցնում է Արկտիկայի վերադարձը ձմեռային ռեժիմին, ինչը սպառնալիք է փոկերի և բևեռային արջերի համար:

2015 թվականի Փարիզյան համաձայնագրի համաձայն, գլոբալ միջին ջերմաստիճանի աճը պետք է սահմանափակվի 1,5 աստիճանով, որպեսզի կանխվի կլիմայի փոփոխության աղետալի սցենարը: Հաղորդվել է, որ գիտնականների միջազգային խումբը Ավստրիայից, Ֆրանսիայից, Բրիտանիայից, Գերմանիայից և Շվեյցարիայից եզրակացրել է, որ մշտնջենական ձյան հալչելը և դրա հետ կապված ածխածնի արտանետումները կհանգեցնեն ջերմաստիճանի թույլատրելի աճի անխուսափելի գերազանցմանը:

Պարզվում են Հայկ Հարությունյանի մահվան հանգամանքները
The Guardian. Կհետևի՞ Մեծ Բրիտանիան ԱՄՆ Ներկայացուցիչների պալատի օրինակին Հայոց ցեղասպանության ճանաչման հարցում
Թուրք զինվորականները խոչընդոտում են հայերի վերադարձին իրենց տները Հյուսիսային Սիրիայում․ Սինանյան
Հայաստանը նախաձեռնել է ստեղծել սփյուռքահայ համայնքների քարտեզ
Առաջատար լրատվամիջոցներն արձագանքել են ԱՄՆ պալատի կողմից Հայոց ցեղասպանության ճանաչման բանաձևի ընդունմանը