Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի միջև հեռախոսազրույց է տեղի ունեցել։ Այս մասին տեղեկացնում է Թուրքիայի նախագահի մամուլի ծառայությունը։
Հեռախոսազրույցի ընթացքում Հայաստանի վարչապետը շնորհավորել է Թուրքիայի նախագահին անցած Կուրբան բայրամի առթիվ։ Զրույցի ժամանակ կողմերը քննարկել են Թուրքիա-Հայաստան հարաբերությունների կարգավորման ընթացքն ու տարածաշրջանային խնդիրները։
Թուրքիայի նախագահը շեշտել է, որ Թուրքիայի և Հայաստանի միջև կարգավորումներն առաջ են գնում ուղիղ առևտուր սկսելու քայլերով։ Էրդողանը նաև նշել է, որ Թուրքիան ջանքեր է գործադրում տարածաշրջանում խաղաղության ու կայունության հաստատման համար և մշտապես աջակցում է այդ ուղղությամբ ձեռնարկվող քայլերին։
